ന്യൂഡൽഹി : യുവതിയുടെ സ്വകാര്യഭാഗത്ത് ആൺസുഹൃത്ത് സാനിറ്റൈസർ ഒഴിച്ച് തീകൊളുത്തി. സംഭവത്തിൽ ആൺസുഹൃത്ത് ശിവം എന്നയാളെ പോലീസ് അറസ്റ്റ് ചെയ്തു. ത്രിപുരയിൽ നിന്നും ന്യൂഡൽഹിയിൽ ബയോ ടെക്നോളജി പഠിക്കാനെത്തിയ 19കാരിയാണ് ക്രൂരതയ്ക്കിരയായത്. ഗുരുഗ്രാമിൽ ആണ് ദാരുണ സംഭവം ഉണ്ടായത്. കഴിഞ്ഞ വർഷമാണ് ഡേറ്റിംഗ് ആപ്പ് വഴി ഇവർ പരിചയപ്പെടുന്നതും സൗഹൃദത്തിലാകുന്നതും. പെൺകുട്ടി ഗുരുതരാവസ്ഥയിൽ തുടരുകയാണ്.
സൗഹൃദത്തിന് പിന്നാലെ ഗുരുഗ്രാമിൽ ഇവർ ഒന്നിച്ച് താമസിക്കുകയായിരുന്നു. ഇതിനിടെ ഇവർ തമ്മിൽ ചില പ്രശ്നങ്ങൾ ഉണ്ടായി എന്നാണ് പോലീസ് പറയുന്നത്. ഇവർ താമസിക്കുന്ന ഫ്ലാറ്റിൽ വെച്ചാണ് യുവതിയുെട സ്വകാര്യഭാഗത്ത് സാനിറ്റൈസർ ഒഴിച്ച് തീകൊളുത്തിയത്. നിലവിൽ ഗുരുതരമായി പൊള്ളലേറ്റ് പെൺകുട്ടി സഫ്ദർജംഗ് ആശുപത്രിയിൽ ചികിത്സയിലാണ്. സുഹൃത്തുക്കളെത്തിയാണ് യുവതിയെ ആശുപത്രിയിൽ പ്രവേശിപ്പിച്ചത്. പെൺകുട്ടിയുടെ മൊഴിയുടെ അടിസ്ഥാനത്തിൽ ശിവത്തെ പോലീസ് അറസ്റ്റ് ചെയ്ത് ചോദ്യം ചെയ്ത് വരികയാണ്.
