റാന്നി: റാന്നി ഗ്രാമപഞ്ചായത്തിലെ സർക്കാർ വിദ്യാലയങ്ങളിലെ മുഴുവൻ വിദ്യാർത്ഥികൾക്കും വാർഷിക പദ്ധതിയിൽ ഉൾപ്പെടുത്തി പ്രഭാതഭക്ഷണം നൽകുന്ന പദ്ധതിക്ക് തുടക്കമായി. പദ്ധതിയുടെ ഔദ്യോഗിക ഉദ്ഘാടനം റാന്നി എൽ.പി.ജി സ്കൂളിൽ ഗ്രാമപഞ്ചായത്ത് പ്രസിഡന്റ് ശശികല രാജശേഖരൻ നിർവഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ടി.ജെ ബാബുരാജ്, വാർഡംഗം സാബു പി. എബ്രഹാം, സ്കൂൾ പ്രഥമാധ്യാപകന് ഷിബു പി എബ്രഹാം എന്നിവര് പ്രസംഗിച്ചു. റാന്നി പഞ്ചായത്തിലെ എല്ലാ സർക്കാർ സ്കൂളുകളിലെയും വിദ്യാർത്ഥികൾക്ക് എല്ലാ പ്രവൃത്തി ദിവസങ്ങളിലും പ്രഭാതഭക്ഷണം നൽകുന്നതാണ് പദ്ധതി. കുട്ടികളുടെ ആരോഗ്യവും പഠന നിലവാരവും മെച്ചപ്പെടുത്തുന്നതിനും സ്കൂൾ ഹാജർ വർധിപ്പിക്കുന്നതിനും ലക്ഷ്യമിട്ടാണ് പദ്ധതി നടപ്പിലാക്കുന്നത്. ഈ പ്രഭാതഭക്ഷണ വിതരണ പദ്ധതിക്കായി ഗ്രാമപഞ്ചായത്ത് വാർഷിക പദ്ധതിയിൽ നിന്ന് 4 ലക്ഷം രൂപ ചെലവഴിക്കുമെന്ന് പഞ്ചായത്ത് പ്രസിഡന്റ് പറഞ്ഞു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
