ചെന്നൈ : ഹോട്ടലുകളുടെ സ്റ്റാര്‍പദവിക്ക് കോഴ വാങ്ങിയെന്ന കേസില്‍ കേന്ദ്ര ടൂറിസം അസിസ്റ്റന്‍റ് ഡയറക്ടര്‍ എസ് രാമകൃഷ്‌ണനെ സിബിഐ അറസ്‌റ്റ്‌ ചെയ്‌തു. തമിഴ്‌നാട്ടിലെ പഴനിയിൽനിന്നാണ്‌ അറസ്‌റ്റ്‌ ചെയ്‌തത്‌. 7 ലക്ഷം രൂപയും കണ്ടെടുത്തു. കൂടാതെ തമിഴ്‌നാട്ടിലും കൊച്ചിയിലും നടത്തിയ റെയ്‌ഡിൽ 31 ലക്ഷം രൂപയും പിടിച്ചെടുത്തു.
കേരളത്തിലെ ഹോട്ടലുകളിലും ഏജന്റുമാരുടെ വീടുകളിലും സിബിഐ മിന്നൽ പരിശോധന നടത്തുകയാണ്‌. സ്റ്റാർ പദവിക്കായി ഹോട്ടലുകൾ ടൂറിസം വകുപ്പ് ഉദ്യോ ഗസ്ഥർക്ക് കോഴ നൽകിയെന്ന കണ്ടെത്തലിനെ തുടർന്നാണ് റെയ്ഡ്. രാജ്യവ്യാപകമായി നടത്തുന്ന പരിശോധനയുടെ ഭാ ഗമായാണ് കേരളത്തിലും റെയ്ഡ് നടക്കുന്നത്.
