ഗൂഡല്ലൂര്‍ (തമിഴ് നാട്) : കൈക്കൂലി വാങ്ങുന്നതിനിടയില്‍ പോലീസ് ഇന്‍സ്‌പെക്ടര്‍ അറസ്റ്റില്‍. ചേരമ്പാടി പോലീസ് സ്റ്റേഷനിലെ ഇന്‍സ്‌പെക്ടര്‍ ആനന്ദവേലു ആണ് പിടിയിലായത്. എടവണ്ണ സ്വദേശി ലോറി ഉടമയായ ബിന്‍സ് ഏലിയാസ് നല്‍കിയ പരാതിയിലാണ് അറസ്റ്റ്. എടവണ്ണയില്‍ നിന്നും മെറ്റല്‍ എംസാന്‍ഡ് ചേരമ്പാടിയിലേക്ക് കൊണ്ടു വരാനായി മാസം 40,000 രൂപയാണ് ഇന്‍സ്‌പെക്ടര്‍ കൈക്കൂലിയായി ആവശ്യപ്പെട്ടത്.
പിന്നീട് 20,000 രൂപ വീതം നല്‍കാമെന്ന് ഉറപ്പിച്ചു. തുടര്‍ന്ന് ബിന്‍സ് ഊട്ടി വിജിലന്‍സിന് പരാതി നല്‍കി. ഊട്ടി വിജിലന്‍സ് ഇന്‍സ്‌പെക്ടര്‍ സീതാലക്ഷ്മിയുടെ നേതൃത്വത്തില്‍ പോലീസ് സ്റ്റേഷനില്‍ വെച്ച് വിജിലന്‍സ് നല്‍കിയ പണം കൈമാറുന്നസമയത്താണ് ആനന്ദവേലുവിനെ അറസ്റ്റ് ചെയ്തത്.
