പാലക്കാട്: പാലക്കാട് കൈക്കൂലി കേസില് പിടിയിലായ വില്ലേജ് അസിസ്റ്റന്റ് റിമാന്ഡില്. വില്ലേജ് ഫീല്ഡ് അസിസ്റ്റന്റ് വി. സുരേഷ് കുമാറിനെ പതിനാല് ദിവസേത്തേക്കാണ് റിമാന്ഡ് ചെയ്തത്. തൃശ്ശൂര് വിജിലന്സ് കോടതിയുടേതാണ് നടപടി. മഞ്ചേരി സ്വദേശിയില് നിന്നും 2500 രൂപ കൈക്കൂലി വാങ്ങുന്നതിനിടെയാണ് പാലക്കയം വില്ലേജ് ഫീല്ഡ് അസിസ്റ്റന്റ് സുരേഷ് കുമാറിനെ വിജിലന്സ് പിടികൂടിയത്.
ഇയാളെ തൃശൂര് ജില്ലാ ജയിലിലേക്ക് മാറ്റി. സുരേഷിനെതിരായ വകുപ്പുതല നടപടിയിലും ഉടന് തീരുമാനമുണ്ടാകും. കേസുമായി ബന്ധപ്പെട്ട് മണ്ണാര്ക്കാട് തഹസീല്ദാര് പാലക്കാട് ജില്ലാ കളക്ടര്ക്ക് റിപ്പോര്ട്ട് നല്കി. മൂന്ന് വര്ഷം മുമ്പാണ് പാലക്കയം വില്ലേജ് ഓഫീസില് സുരേഷ് കുമാര് എത്തുന്നത്. കൈക്കൂലി കണക്ക് പറഞ്ഞ് വാങ്ങിയിരുന്ന സുരേഷ് കുമാര് പണം കൊടുത്തില്ലെങ്കില് മാസങ്ങളോളം നടത്തിക്കും എന്നാണ് നാട്ടുകാര് പറയുന്നത്. സര്വ്വേ പൂര്ത്തിയാക്കാത്ത പ്രദേശമായതിനാല് പ്രദേശവാസികള്ക്ക് വില്ലേജ് ഓഫീസിനെ ആശ്രയിക്കാതെ വഴിയില്ല. വിവിധ സര്ട്ടിഫിക്കറ്റുകള്ക്കായി പലരില് നിന്നും 500 മുതല് 10,000 രൂപ വരെയാണ് ഇയാള് കൈപ്പറ്റിയത്.സുരേഷ് കുമാറിന്റെ മണ്ണാര്ക്കാട്ടെ താമസ സ്ഥലത്ത് വിജിലന്സ് നടത്തിയ പരിശോധനയില് 35 ലക്ഷം രൂപ കണ്ടെടുത്തിരുന്നു. വിവിധ ബാങ്കുകളിലായി 40 ലക്ഷം മൂല്യമുള്ള ബോണ്ടുകള്, 25ലക്ഷം രൂപയുടെ സേവിംഗ്സ് ബാങ്ക് രേഖകള്, 17കിലോ തൂക്കം വരുന്ന നാണയശേഖരം എന്നില കണ്ടെത്തിയിരുന്നു.
