തിരുവനന്തപുരം: സമ്പൂര്ണദാരിദ്ര്യ നിര്മാര്ജനത്തിന് പദ്ധതിയുമായി സര്ക്കാര്. സംസ്ഥാനത്തെ പരമദരിദ്രരുടെ പുതിയ പട്ടിക തയാറാക്കുമെന്ന് ധനമന്ത്രി തോമസ് ഐസക്ക്.
ആശ്രയ ഗുണഭോക്താക്കളേയും തദ്ദേശസ്ഥാപനങ്ങള് നിര്ദേശിക്കുന്നവരേയും ചേര്ക്കും. മൂന്നുമുതല് നാലുലക്ഷം പേര് വരെ പട്ടികയില് വരും. ജോലിയില്ലാത്തവരും വരുമാനമാര്ജിക്കാന് ശേഷിയില്ലാത്തവരുമായവര്ക്ക് നേരിട്ട് സഹായം നല്കും. വിവിധ പദ്ധതികള് വഴി അഞ്ചുവര്ഷംകൊണ്ട് 6000-7000 കോടി രൂപ ചെലവഴിക്കും.
പട്ടികവിഭാഗങ്ങള്ക്ക് വീടിന് 2080 കോടി അനുവദിക്കും. 2021-22ല് പട്ടികജാതിവിഭാഗങ്ങള്ക്ക് 40,000 വീടുകള്. എസ്ടി വിഭാഗത്തിന് 12000 വീടുകള് എന്നിവയാണ് ലക്ഷ്യം.മല്സ്യമേഖലയ്ക്ക് 1500 കോടി അനുവദിക്കും. 202122ല് പതിനായിരം മല്സ്യത്തൊഴിലാളി കുടുംബങ്ങള്ക്ക് വീട് ആണ് ലക്ഷ്യം. നൂറ് ആഴക്കടല് മല്സ്യബന്ധനയാനങ്ങള് വാങ്ങാന് വായ്പ; 25 ശതമാനം സബ്സിഡി നല്കും. പരമ്പരാഗത മല്സ്യത്തൊഴിലാളികള്ക്ക് ലീറ്ററിന് 25 രൂപ നിരക്കില് മണ്ണെണ്ണ നല്കും.