ചെങ്ങന്നൂര്: പുരയിടത്തില് കെട്ടിയിട്ട രണ്ടു പോത്തുകളെ മോഷ്ടിച്ച കേസില് ഒരാള് അറസ്റ്റില്. ചെറിയനാട് ചെറുവല്ലൂര് ആലക്കോട് കോടംപറമ്പില് കെ. ആര്. ദിനേശിനെ(39)യാണ് വെണ്മണി പോലീസ് അറസ്റ്റ് ചെയ്തത്. കേസിലെ രണ്ടാം പ്രതിയാണ് ഇയാള്. മറ്റ് രണ്ടു പ്രതികള് ഒളിവിലാണ്. ജൂലായ് ആറിന് രാത്രിയിലാണ് കൊല്ലകടവ് സബ്ബ് രജിസ്ട്രാര് ഓഫീസിനു സമീപം പറമ്പില് കെട്ടിയിരുന്ന പോത്തുകളെ കടത്തിയത്.
84,000 രൂപ വിലയുള്ള ഇവയെ 48,000 രൂപയ്ക്ക് കായംകുളത്തുള്ള ഇറച്ചികച്ചവടക്കാര്ക്ക് വിറ്റു. തുടര്ന്ന് മൂന്നു പ്രതികളും പണം വീതിച്ചെടുത്തു. ഇതില് 15,000 രൂപ അറസ്റ്റിലായ ദിനേശില് നിന്ന് കണ്ടെടുത്തു. പോത്തുകളെ കടത്തിക്കൊണ്ടു പോയ വാഹനം കണ്ടെത്താനും ഒളിവിലുള്ള ഒന്നും മൂന്നും പ്രതികളെ കണ്ടെത്താനും അന്വേഷണം ശക്തമാക്കി. വിവിധ സ്ഥലങ്ങളില് നിന്നും പോത്തുകളെ കാണാതെ പോയ സംഭവങ്ങള്ക്ക് പിന്നില് ഇവരാണെന്ന സംശയത്തിലാണ് പോലീസുള്ളത്. എസ്. എച്ച്. ഒ: എ. നസീറിന്റെ നേതൃത്വത്തില് എസ്. ഐ: ബി. ജെ. ആന്റണി, സി. പി. ഒമാരായ ഹരികുമാര്, അഖില്രാജ് എന്നിവരടങ്ങുന്ന സംഘമാണ് ഇയാളെ അറസ്റ്റു ചെയ്തത്.
