കൊച്ചി: പരിസ്ഥിതി സംവേദക മേഖലയുമായി ബന്ധപ്പെട്ട് സംസ്ഥാന സര്ക്കാര് തയ്യാറാക്കി കേന്ദ്ര സര്ക്കാരിന്റെ അംഗീകാരത്തിനായി സമര്പ്പിച്ച നിര്ദ്ദേശ പ്രകാരമുള്ള ഭൂപടം പ്രസിദ്ധീകരിക്കാന് സംസ്ഥാന സര്ക്കാര് വിളിച്ചു ചേര്ത്ത ഉന്നതതലയോഗത്തില് തീരുമാനം. ഈ ഭൂപടം സംബന്ധിച്ച് ഉള്പ്പെടുത്തേണ്ട അധികവിവരങ്ങള് ഉണ്ടെങ്കില് അവ സമര്പ്പിക്കാന് അവസരമൊരുക്കും. അതത് പഞ്ചായത്ത് സെക്രട്ടറിമാര്ക്ക് അവ നല്കാം. വനം വകുപ്പിന് നേരിട്ടും നല്കാവുന്നതാണ്. അധിക വിവരങ്ങള് ലഭ്യമാക്കാനുള്ള സമയം ജനുവരി 7 വരെ ദീര്ഘിപ്പിക്കും. ഉപഗ്രഹ സര്വേ റിപ്പോര്ട്ടിന്മേല് പരാതി നല്കാനുള്ള സമയ പരിധിയും നീട്ടി നല്കിയിട്ടുണ്ട്.
ഇപ്രകാരം ലഭിക്കുന്ന വിവരങ്ങള് ഫീല്ഡ് തലത്തില് പരിശോധിച്ച് ഉറപ്പ് വരുത്താന് പഞ്ചായത്ത് തലത്തില് റവന്യൂ, വനം, തദ്ദേശ സ്വയംഭരണ വകുപ്പ് ഉദ്യോഗസ്ഥരും സാങ്കേതിക വിദഗ്ധരും അടങ്ങുന്ന സംഘത്തെ നിയോഗിക്കും. ജനപ്രതിനിധികള് ഉള്പ്പെടെ എല്ലാ വിഭാഗം ആളുകളും ചേരുന്ന സമിതിയുണ്ടാക്കി ജനങ്ങളില് നിന്ന് വിവരശേഖരണം നടത്തുന്നതും പരിഗണിക്കും. സുപ്രീം കോടതിയില് വിവരങ്ങള് കൈമാറാനുള്ള തീയതി നീട്ടി കിട്ടാന് അപേക്ഷ നല്കാനും തീരുമാനിച്ചു.
മുഖ്യമന്ത്രി പിണറായി വിജയന്റെ അദ്ധ്യക്ഷതയില് ചേര്ന്ന യോഗത്തില് മന്ത്രിമാരായ കെ. രാജന്, എ.കെ. ശശീന്ദ്രന്, റോഷി അഗസ്റ്റിന്, കെ.എന്. ബാലഗോപാല്, എം.ബി. രാജേഷ്, അഡ്വക്കറ്റ് ജനറല് ഗോപാലകൃഷ്ണ കുറുപ്പ്, ചീഫ് സെക്രട്ടറി ഡോ. വി.പി. ജോയ്, അഡീഷണല് ചീഫ് സെക്രട്ടറിമാരായ ഡോ. വി. വേണു, ശാരദ മുരളീരന്, ബിശ്വനാഥ് സിന്ഹ തുടങ്ങിയവര് പങ്കെടുത്തിരുന്നു.
അഡ്വര്ട്ടോറിയല് കവര് സ്റ്റോറി
നിങ്ങളുടെ ബിസിനസ്, അതിന്റെ പ്രത്യേകതകള് ലോകമെങ്ങും അറിയാന് ഓണ് ലൈന് ചാനലില് പരസ്യം ചെയ്യണം. ടി.വിയോ പത്രമോ അല്ല, വിവിധ ഉപയോഗങ്ങള്ക്കായി മൊബൈല് ഫോണാണ് ഇന്ന് ജനങ്ങള് കൊണ്ടുനടക്കുന്നത്. ലോകത്ത് എന്ത് സംഭവിച്ചാലും ഓണ് ലൈന് വാര്ത്താ ചാനലിലൂടെ അതൊക്കെ അപ്പപ്പോള് കാണുവാനും അറിയുവാനും നിങ്ങള്ക്ക് കഴിയുന്നു. ജില്ലയിലെ ഏറ്റവുംകൂടുതല് വായനക്കാരുള്ള ന്യൂസ് പോര്ട്ടലാണ് പത്തനംതിട്ട മീഡിയ. നിലവിലുള്ള സാധാരണ പരസ്യങ്ങള്ക്ക് പുറമേ അഡ്വര്ട്ടോറിയല് കവര് സ്റ്റോറി കൂടി ആരംഭിച്ചിട്ടുണ്ട്. നിങ്ങളുടെ ബിസിനസ്സിനെ അല്ലെങ്കില് സേവനത്തെ അടിസ്ഥാനമാക്കി തയ്യാറാക്കുന്ന ഒരു വാര്ത്തയാണ് ഇത്. ഇതിനെപ്പറ്റി കൂടുതല് അറിയാന് ബന്ധപ്പെടുക. 94473 66263, 85471 98263.
