കോട്ടയം: എരുമേലിയില് സ്വകാര്യ ബസ് ജീവനക്കാരനു നേരെ ക്രൂര മര്ദനം. മര്ദനമേറ്റത് എരുത്വാപുഴ സ്വദേശി അച്ചുവിനാണ്. സംഭവം വ്യാഴാഴ്ച്ച വൈകീട്ടായിരുന്നു. ബസില്വെച്ചു പെണ്കുട്ടിയോടു അപര്യാദയായി പെരുമാറിയെന്നാരോപിച്ച് മറ്റൊരു യുവാവാണ് സ്വകാര്യ ബസിലെ ക്ലീനറായ അച്ചുവിനെ മര്ദിച്ചത്. പൊതു വഴിയില്വെച്ച് പരസ്യമായി തല്ലുകയും ബിയര് കുപ്പിവെച്ചു തലയ്ക്ക് അടിക്കുകയായിരുന്നു. മര്ദിച്ച ആളെ തിരിച്ചറിഞ്ഞതായും ഇയാള്ക്കെതിരെ കേസ്സെടുത്തിട്ടുണ്ടെന്നും എരുമേലി പോലീസ് പറഞ്ഞു. പരിക്കേറ്റ അച്ചു ആശുപത്രിയില് ചികിത്സയിലാണ്.
