തിരുവനന്തപുരം: കിഫ്ബി സിഎജി റിപ്പോര്ട്ട് വിവാദത്തില് ധനമന്ത്രി തോമസ് ഐസക്കിനെതിരേ പ്രതിപക്ഷം സ്പീക്കറിന് നോട്ടീസ് നല്കി. സിഎജി റിപ്പോര്ട്ട് ചോര്ത്തിയെന്ന് ആരോപിച്ച് വി.ഡി. സതീശന് എംഎല്എയാണ് സ്പീക്കറെ സമീപിച്ചത്.
അതീവ രഹസ്യമായി സൂക്ഷിക്കേണ്ട സിഎജി റിപ്പോര്ട്ടാണ് ധനമന്ത്രി മാധ്യമങ്ങള്ക്ക് ചോര്ത്തി നല്കിയതെന്നും ഇതുമായി ബന്ധപ്പെട്ട് മാധ്യമങ്ങളില് നടന്ന ചര്ച്ചയില് പങ്കെടുക്കുകയും ചെയ്തുവെന്നും ഇത് ചട്ടലംഘനവും നിയമസഭയുടെ പ്രത്യേക അവകാശങ്ങളിന്മേലുള്ള കടന്നുകയറ്റവുമാണെന്നാണ് പ്രതിപക്ഷം കുറ്റപ്പെടുത്തി.
കീഴ്വഴക്കം അനുസരിച്ച് ഗവര്ണര്ക്ക് വേണ്ടി ധനമന്ത്രി നിയമസഭയില് സിഐജി റിപ്പോര്ട്ട് വെയ്ക്കുകയും അതിനുശേഷം അത് പുറത്ത് വിടുകയുമാണ് ചെയ്യേണ്ടത്. എന്നാല് ഇതൊന്നുമുണ്ടായില്ലെന്നും പ്രതിപക്ഷം ആരോപിക്കുന്നു.
