കൊടുങ്ങല്ലൂര്: ഇലക്ഷന് കമ്മീഷന്റെ മാര്ഗ്ഗ നിര്ദ്ദേശം ലംഘിച്ച് റോഡില് പെയിന്റ് ഉപയോഗിച്ച് സ്ഥാനാര്ത്ഥിയുടെ പേര് എഴുതിയ ബി.ജെ.പി പ്രവര്ത്തകനെ കൊടുങ്ങല്ലൂര് പോലീസ് അറസ്റ്റ് ചെയ്തു. കൊടുങ്ങല്ലൂര് നഗരസഭയിലെ വയലാര് ദേശത്ത് കൈമാപറമ്പില് സിനോജിനെയാണ് (32) എസ്.ഐ ഇ.ആര് ബൈജു അറസ്റ്റ് ചെയ്തിരിക്കുന്നത്.
ഇലക്ഷന് കമ്മീഷന്റെ മാര്ഗ്ഗ നിര്ദ്ദേശം പുറപ്പെടുവിച്ച സമയത്ത് തന്നെ കൊടുങ്ങല്ലൂര് സര്ക്കിള് ഇന്സ്പെക്ടര് പി.കെ പത്മരാജന് എല്ലാ രാഷ്ട്രീയ പാര്ട്ടികളുടെയും യോഗം വിളിച്ച് പ്രത്യേക നിര്ദ്ദേശം കൊടുത്തിരുന്നതാണ്. എന്നാല് നിര്ദ്ദേശം ലംഘിച്ച് വയലാര് ഭാഗത്ത് പെയിന്റ് ഉപയോഗിച്ച് സ്ഥാനാര്ത്ഥിയുടെ പേരെഴുതിയത്.
