തിരുവനന്തപുരം: സംസ്ഥാനത്ത് ക്യാമ്പസ് വ്യവസായ പാര്ക്കുകള് സ്ഥാപിക്കാന് മന്ത്രിസഭായോഗം തീരുമാനിച്ചു. ഇതുമായി ബന്ധപ്പെട്ട് ക്യാമ്പസ് ഇന്ഡസ്ട്രിയല് പാര്ക്ക് സ്കീം – 2024 അംഗീകരിച്ചു. സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളില് ഉപയോഗശൂന്യമായി കിടക്കുന്ന സ്ഥലങ്ങളിലാണ് ക്യാമ്പസ് വ്യവസായ പാര്ക്കുകള് ആരംഭിക്കുക. വ്യവസായ ആവശ്യത്തിനായി സ്ഥല ലഭ്യതയുടെ ദൗര്ലഭ്യം പരിഹരിക്കുന്നതിന് സര്ക്കാര് ആവിഷ്കരിച്ച നവീന പദ്ധതിയാണ് ക്യാമ്പസ് വ്യവസായ പാര്ക്ക്. ഉന്നതവിദ്യാഭ്യാസ സ്ഥാപനങ്ങളോടനുബന്ധിച്ച് ഇവ ആരംഭിക്കുന്നത് വഴി വിദ്യാര്ത്ഥി സമൂഹത്തില് വ്യവസായ സംരംഭകത്വം വളര്ത്താനും വ്യവസായ സ്ഥാപനങ്ങളും വിദ്യാഭ്യാസ സ്ഥാപനങ്ങളും തമ്മിലുള്ള ബന്ധം ശക്തിപ്പെടുത്തുന്നതിനും കഴിയും. വിദ്യാഭ്യാസ സ്ഥാപനങ്ങളില് നടക്കുന്ന ഗവേഷണ പ്രവര്ത്തനങ്ങളിലൂടെ പുതുതായി കണ്ടെത്തുന്ന ഉല്പ്പന്നങ്ങളുടെ വ്യാവസായിക ഉത്പാദനം വേഗത്തില് ആരംഭിക്കുന്നതിനുള്ള സംവിധാനം കൂടി ആവിഷ്കരിക്കാനും മന്ത്രിസഭാ യോഗം തീരുമാനിച്ചു.
—
ഡ്രൈവിംഗ് ലൈസന്സ് അച്ചടി തുകയിലെ കുടിശ്ശിക അനുവദിക്കും
—
ഡ്രൈവിംഗ് ലൈസന്സ്, രജിസ്ട്രേഷന് സര്ട്ടിഫിക്കറ്റ് എന്നിവ അച്ചടിച്ച് വിതരണം ചെയ്തതിലുള്ള കുടിശ്ശിക നല്കാന് തീരുമാനിച്ചു. ഐടിഐ ലിമിറ്റഡ് ബാംഗ്ലൂരിന് നല്കാനുള്ള 8.66 കോടി രൂപയും സി-ഡിറ്റിന് നല്കാനുള്ള തുകയും ഉള്പ്പെടെ 15 കോടി രൂപയാണ് അനുവദിക്കുക.
മാക്കേക്കടവ് – നേരേക്കടവ് പാലം നിര്മ്മാണ പ്രവര്ത്തനം ആരംഭിക്കും
—
ആലപ്പുഴ തുറവൂര് – പമ്പാ റോഡില് വെമ്പനാട് കായലിന് കുറുകെയുള്ള മാക്കേക്കടവ് – നേരേക്കടവ് പാലം നിര്മ്മാണത്തിന്റെ തുടര് പ്രവൃത്തിക്കുള്ള പൊതുമരാമത്ത് വകുപ്പിന്റെ നിര്ദേശം അംഗീകരിച്ചു. ഇതോടെ ബാക്കിയുള്ള പ്രവര്ത്തനം ഉടന് ആരംഭിക്കാനാകും.
—
ആശ്രിത നിയമനം
—
പാലക്കാട് പട്ടാമ്പിയിലെ പ്രഭാകരന്റെ മകന് എം പി പ്രവീണിന് പട്ടിക ജാതി വികസന വകുപ്പിന്റെ കുഴല്മന്ദം മോഡല് റസിഡന്ഷ്യല് സ്കുളില് ലാസ്റ്റ് ഗ്രേഡ് തസ്തികയില് നിയമനം നല്കും. അതിക്രമത്തിന് ഇരയായി മരിക്കുന്ന പട്ടികജാതി-പട്ടിക വര്ഗത്തില്പെട്ടവരുടെ ആശ്രിതര്ക്ക് ജോലി നല്കുന്ന പദ്ധതി പ്രകാരമാണിത്. പ്രഭാകരന് ഒരു കൂട്ടം ആളുകളുടെ ആക്രമണത്തില് 2015ലാണ് മരിച്ചത്.
—
സാധൂകരിച്ചു
—
ഇടുക്കി, രാജകുമാരി, മുരിക്കാശ്ശേരി, നെടുങ്കണ്ടം, കരിമണ്ണൂര്, കട്ടപ്പന എന്നീ 6 പ്രത്യേക ഭൂമി പതിവ് ഓഫീസുകളിലെ 174 താല്ക്കാലിക തസ്തികകള്ക്കും, തൃശ്ശൂര് ജില്ലയിലെ തൃശൂര് യൂണിറ്റ് നമ്പര് വണ് സ്പെഷ്യല് തഹസില്ദാര് ഓഫീസിലെ 29 താല്ക്കാലിക തസ്തികകള്ക്കും തുടര്ച്ചാനുമതി ദീര്ഘിപ്പിച്ച് നല്കിയത് സാധൂകരിച്ചു.
—
ശമ്പള പരിഷ്ക്കരണം
—
രണ്ടാം ദേശിയ ജുഡീഷ്യല് ശമ്പള കമ്മീഷന്റെ ശുപാര്ശ അനുസരിച്ച് സംസ്ഥാനത്തെ വിജിലന്സ് ട്രൈബ്യൂണല്മാരുടെ ശമ്പളവും ആനുകൂല്യങ്ങളും അലവന്സുകളും 2016 ജനുവരി ഒന്ന് പ്രാബല്യത്തില് പരിഷ്കരിക്കും.
—
സേവനകാലാവധി ദീര്ഘിപ്പിച്ചു
—
മലബാര് ഇന്റര്നാഷണല് പോര്ട്ട് ആന്ഡ് സെസ് ലിമിറ്റഡ് കമ്പനിയുടെ എംഡിയായ എല്.രാധാകൃഷ്ണന്റെ സേവനകാലാവധി ഒരു വര്ഷത്തേക്ക് ദീര്ഘിപ്പിച്ചു. കോട്ടൂര് ആന പുനരവധിവാസ കേന്ദ്രത്തിന്റെയും പുത്തൂര് സുവോളജിക്കല് പാര്ക്കിന്റെയും സ്പെഷ്യല് ഓഫീസറായ കെ ജെ വര്ഗീസിന്റെ നിയമനകാലാവധി ദീര്ഘിപ്പിച്ചു.
—
മുദ്രവിലയില് ഇളവ്
—
ജല്ജീവന് മിഷന് പദ്ധതിയുടെ ഭാഗമായി കേരള വാട്ടര് അതോറിറ്റി ഏറ്റെടുക്കുന്ന കൊല്ലം, പെരിനാട് വില്ലേജിലെ വസ്തുവും തൃക്കരുവ വില്ലേജിലെ വസ്തുവും രജിസ്റ്റര് ചെയ്യുന്നതിന് മുദ്രവില, രജിസ്ട്രേഷന് ഫീസ് ഇനങ്ങളിലുള്ള തുക ഇളവ് ചെയ്യും.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും – വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം
—
ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ ആപ്പ് ലോഞ്ച് ചെയ്തു. ആരവങ്ങളില്ലാതെ തികച്ചും ലളിതമായി നടന്ന ഓണ്ലൈന് ചടങ്ങില് Eastindia Broadcasting Private Limited ന്റെ ഡയറക്ടര്മാരും ഓഹരി ഉടമകളും പങ്കെടുത്തു. കമ്പിനിയുടെ മറ്റൊരു ചാനലായ “ന്യൂസ് കേരളാ 24” (www.newskerala24.com) ആധുനിക സാങ്കേതികവിദ്യകളുമായി കൈകോര്ത്തുകൊണ്ട് മുമ്പോട്ട് നീങ്ങുകയാണ്. Android App വേര്ഷനാണ് ഇപ്പോള് റിലീസ് ചെയ്തത്. ഇതിന്റെ IOS പതിപ്പ് താമസിയാതെ പുറത്തിറങ്ങും. ആപ്പ് പ്ലേ സ്റ്റോറില് ലഭ്യമാണ്, തികച്ചും സൗജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
—
വാര്ത്തകള് ക്ഷണനേരം കൊണ്ട് ലോഡാകുവാന് ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്. കഴിഞ്ഞ ആറുമാസമായി ഇത് പരീക്ഷണ ഘട്ടത്തിലായിരുന്നു. മറ്റു വാര്ത്താ ആപ്പുകളില് നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്ത്തകള് തങ്ങള്ക്കു വേണമെന്ന് ഓരോ വായനക്കാര്ക്കും തീരുമാനിക്കാം. ഒരു ദിവസത്തെ വാര്ത്തകള് മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല് മീഡിയാകളിലേക്ക് വാര്ത്തകള് അതിവേഗം ഷെയര് ചെയ്യാനും സാധിക്കും. അരോചകമായ പരസ്യങ്ങള് ഉണ്ടാകില്ല. ഇന്റര്നെറ്റിന്റെ പോരായ്മകള് ആപ്പിന്റെ പ്രവര്ത്തനത്തെ ബാധിക്കില്ല. തികച്ചും സൗജന്യമായാണ് വാര്ത്തകള് ലഭിക്കുന്നത്.
സംസ്ഥാന സര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ് ലൈന് ചാനലുകളില് ഒന്നും (മലയാള മനോരമ, ഏഷ്യാനെറ്റ്, മാതൃഭൂമി തുടങ്ങിയവ ഉള്പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ് ചാനലുമാണ് പത്തനംതിട്ട മീഡിയ. കേന്ദ്ര ഇന്ഫര്മേഷന് & ബ്രോഡ്കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള് പോലെ സംസ്ഥാന വാര്ത്തകളോടൊപ്പം ദേശീയ, അന്തര്ദേശീയ വാര്ത്തകളും പ്രസിദ്ധീകരിക്കുന്ന ഓണ്ലൈന് ന്യൂസ് പോര്ട്ടലാണ് പത്തനംതിട്ട മീഡിയ. വ്യാജ വാര്ത്തകളോ കെട്ടിച്ചമച്ച വാര്ത്തകളോ പത്തനംതിട്ട മീഡിയയില് ഉണ്ടാകില്ല. വായനക്കാരുടെ അഭിപ്രായങ്ങള്ക്കും നിദ്ദേശങ്ങള്ക്കും മുന്തിയ പരിഗണന നല്കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്.
