ആലപ്പുഴ : ആന്ധ്രയില്‍നിന്ന് ട്രെയിന്‍വഴി വില്‍പനക്കെത്തിച്ച 3.6 കിലോ കഞ്ചാവുമായി രണ്ടുപേര്‍ അറസ്റ്റില്‍. അമ്പലപ്പുഴ കാക്കാഴം മുറിയില്‍ പുതുശ്ശേരില്‍വീട്ടില്‍ മുഹമ്മദ് അജാസ് (21), കാക്കാഴം കിണറ്റുംകര വീട്ടില്‍ നവീന്‍ നന്ദകുമാര്‍ (22) എന്നിവരെയാണ് എക്സൈസ് പിടികൂടിയത്. തിങ്കളാഴ്ച രാവിലെ ഏഴിന് അമ്പലപ്പുഴ റെയില്‍വേ സ്റ്റേഷനിലാണ് സംഭവം. കൊച്ചുവേളി-ബംഗളൂരു എക്സ്പ്രസില്‍ കടത്തിയ കഞ്ചാവാണ് പിടികൂടിയത്. രഹസ്യവിവരത്തിന്റെ അടിസ്ഥാനത്തില്‍ ആലപ്പുഴ റേഞ്ച് ഇന്‍സ്പെക്ടര്‍ എസ്. സതീഷിന്‍റെ നേതൃത്വത്തില്‍ നടത്തിയ പരിശോധനയില്‍ ബാഗില്‍ ഒളിപ്പിച്ച നിലയിലാണ് കഞ്ചാവ് കണ്ടെടുത്തത്.
കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. പ്രിവന്റിവ് ഓഫിസര്‍മാരായ എന്‍.ബാബു, പി.ടി ഷാജി, കെ.എസ് അലക്സ്, ഐ.ബി പ്രിവന്റിവ് ഓഫിസര്‍ അലക്സാണ്ടര്‍, പ്രിവന്റിവ് ഓഫിസര്‍ ഗ്രേഡ് എസ്. സതീഷ് കുമാര്‍, സിവില്‍ എക്സൈസ് ഓഫിസര്‍മാരായ അനിലാല്‍, സാജന്‍ ജോസഫ്, എം.ആര്‍ റെനീഷ്, ആര്‍.ജയദേവ്, വനിത സിവില്‍ എക്സൈസ് ഓഫിസര്‍ ബബിതാരാജ് എന്നിവര്‍ നേതൃത്വം നല്‍കി.
