പത്തനംതിട്ട : വില്ക്കാനായി കഞ്ചാവ് കൈവശം സൂക്ഷിച്ചതിന് പ്രതിക്ക് മൂന്ന് വര്ഷം കഠിനതടവും 10,000 രൂപ പിഴയും. തിരുവല്ല പോലീസ് സ്റ്റേഷനില് 2017 നവംബര് 15 ന് രജിസ്റ്റര് ചെയ്ത. കേസിലെ പ്രതി കടമാന്കുളം ചാമക്കുന്നില് ബേസിലാല് സി മാത്യുവിനെയാണ് (34) ശിക്ഷിച്ചത്. പിഴയടച്ചില്ലെങ്കില് നാലു മാസം കൂടി ശിക്ഷ അനുഭവിക്കണം. തിരുവല്ല ഇടിഞ്ഞില്ലം കാവുംഭാഗം റോഡില് മാരുതി കാറില് സ്റ്റെപ്പിനി ടയറിന്റെ കവറിനുള്ളില് പ്ലാസ്റ്റിക് പൊതികളില് സൂക്ഷിച്ചനിലയില് കടത്തിക്കൊണ്ടുവന്ന 1.1 കിലോഗ്രാം കഞ്ചാവ് പിടിച്ചെടുത്ത കേസിലാണ് പത്തനംതിട്ട അഡീഷനല് സെഷന്സ് കോടതി രണ്ട് ജഡ്ജി പി.എസ് സൈമ ശിക്ഷ വിധിച്ചത്.
പ്രോസീക്യൂഷനുവേണ്ടി അഡ്വ.കെ.പി സുഭാഷ് കുമാര് ഹാജരായി. അന്നത്തെ തിരുവല്ല എസ്.ഐ ബി.വിനോദ് കുമാര് രജിസ്റ്റര് ചെയ്ത് അന്വേഷണം നടത്തിയ കേസില്, അന്നത്തെ സി.ഐയും ഇപ്പോള് തിരുവല്ല ഡിവൈ.എസ്.പിയുമായ ടി.രാജപ്പനാണ് കുറ്റപത്രം സമര്പ്പിച്ചത്.
