പത്തനംതിട്ട: നടനും സംവിധായകനുമായ ക്യാപ്റ്റന് രാജുവിന്റെ അഞ്ചാം ചരമവാര്ഷികം സിനിമ പ്രേക്ഷക കൂട്ടായ്മയുടെ നേതൃത്വത്തില് നടന്നു. ഓമല്ലൂര് – പുത്തന്പീടിക നോര്ത്ത് സെന്റ്മേരീസ് ഓര്ത്തഡോക്സ് പള്ളിയിലെ കല്ലറയില് രാവിലെ പത്തിന് ുഷ്പാര്ച്ചന നടത്തി. ഇടവക വികാരി റവ. ഫാ. ഇടിക്കുള ഡാനിയേല് ധൂപപ്രാര്ത്ഥനയ്ക്ക് നേതൃത്വം നല്കി. ട്രസ്റ്റി ജേക്കബ് വര്ഗ്ഗീസ്, സെക്രട്ടറി പോള് സാമുവേല്, സലിം പി.ചാക്കോ, പി.സക്കീര് ശാന്തി, ശ്രീജിത്ത് എസ്. നായര്, ബിജു എം.കെ തുടങ്ങിയവര് പങ്കെടുത്തു.
എറണാകുളം – പിറവത്ത് നടന്ന ചടങ്ങില് ക്യാപ്റ്റന് രാജുവിന്റെ പേരില് സിനിമ പ്രേക്ഷക കൂട്ടായ്മ ഏര്പ്പെടുത്തിയ നാലാം പുരസ്കാരം നടന് ലാലു അലക്സിന് ക്യാപ്റ്റന് രാജു പുരസ്കാര സമതി സെക്രട്ടറി സലിം പി. ചാക്കോ നല്കി. സിനിമ പ്രേക്ഷക കൂട്ടായ്മ ജില്ല കണ്വീനര് പി. സക്കീര് ശാന്തി പ്രശസ്തിപത്രം കൈമാറി. ജില്ല വൈസ് ചെയര്മാന് ശ്രീജിത് എസ്. നായര് ചടങ്ങില് അധ്യക്ഷത വഹിച്ചു. ജില്ല ജോയിന്റ് കണ്വീനര് ബിജു എം.കെ പ്രസംഗിച്ചു. മുന് വര്ഷങ്ങളില്
ജനാര്ദ്ദനന്, ബാലചന്ദ്രമേനോന്, ജോണി ആന്റണി എന്നിവര്ക്കാണ് ക്യാപ്റ്റന് രാജു പുരസ്കരം നല്കിയത്.
