പട്ടിക്കാട് : ദേശീയപാതയില് കാര് തടഞ്ഞ് ഡ്രൈവറെ ആക്രമിച്ച സംഭവത്തിലെ പ്രതികള് അറസ്റ്റില്. വടക്കഞ്ചേരി മഞ്ഞപ്ര സ്വദേശി കിഴക്കേതില് അപ്പു എന്ന രാഹുല് (24), മുളയംവലക്കാവ് സ്വദേശി ആനക്കോട്ടില് അജിത്ത് (19) എന്നിവരാണ് അറസ്റ്റിലായത്. വാണിയമ്പാറ പുത്തന്പുരക്കല് വീട്ടില് ജോര്ജിനെ ആക്രമിച്ച കേസിലാണ് പ്രതികളെ പീച്ചി പോലീസ് അറസ്റ്റ് ചെയ്തത്.
പ്രതികള് കുരങ്ങന്പാറയില് ഉണ്ടെന്ന് പീച്ചി സി.ഐ എസ്. ഷുക്കൂറിന് ലഭിച്ച രഹസ്യ വിവരത്തെ തുടര്ന്നാണ് പീച്ചി പോലീസ് സംഘം ഇന്നലെ രാത്രി പ്രതികളെ പിടികൂടിയത്. പീച്ചി പോലീസ് സബ് ഇന്സ്പെക്ടര്മാരായ ജെ. ജമേഷ്, ഹരി, സി.പി.ഒമാരായ അനില്, സജീഷ്, സ്പെഷ്യല് ബ്രാഞ്ച് ഓഫീസര്മാരായ അനില്, സുനീത്, ഹോം ഗാര്ഡ് ഷാജു എന്നിവര് അടങ്ങിയ സംഘമാണ് പ്രതികളെ പിടികൂടിയത്.
