പന്തളം : കോവിഡ് വ്യാപനം രൂക്ഷമാകുന്നതിനെത്തുടർന്ന് പന്തളത്ത് നിയന്ത്രണങ്ങൾ കടുപ്പിക്കണമെന്ന് ആരോഗ്യ വകുപ്പ് റിപ്പോർട്ട് നൽകി. ജനങ്ങളുടെ ജാഗ്രതക്കുറവാണ് കാരണമെന്നാണ് വിലയിരുത്തൽ.
കഴിഞ്ഞ ഘട്ടത്തിൽ പന്തളം കടയ്ക്കാട്, ചേരിക്കൽ മേഖലകളിലാണ് കോവിഡ് ഏറെ തീവ്രമായിരുന്നത്. കഴിഞ്ഞ രണ്ടുദിവസങ്ങളിൽ നഗരസഭ പരിധിയിൽ നൂറിലധികം കോവിഡ് േകസുകൾ റിപ്പോർട്ട് ചെയ്തു. കുളനട, തുമ്പമൺ പഞ്ചായത്തുകളിലും രോഗികൾ കൂടി. കടയ്ക്കാട് മേഖലകളിലും സ്ഥിതി രൂക്ഷമാണ്. ഇവിടങ്ങളിൽ മിക്ക വീടുകളിലും ഇതര സംസ്ഥാന തൊഴിലാളികൾ താമസിക്കുന്നുണ്ട്.
