മലപ്പുറം : മലപ്പുറത്ത് മദ്യപിച്ച് വാഹനമോടിച്ച എഎസ്ഐക്കെതിരെ കേസ്. കാറിലിടിച്ച ശേഷം പോലീസ് വാഹനം നിർത്താതെ പോകുകയായിരുന്നു. എഎസ്ഐയെ നാട്ടുകാരാണ് പിടികൂടി പോലീസിൽ ഏൽപിച്ചത്. മലപ്പുറം സ്റ്റേഷനിലെ എഎസ്ഐ ഗോപിമോഹനെതിരെ മദ്യപിച്ച് വാഹനമോടിച്ചതിനും അപകടമുണ്ടാക്കിയതിനുമാണ് കേസ് എടുത്തിരിക്കുന്നത്. നാട്ടുകാരുമായി എഎസ്ഐ തര്ക്കത്തിലേര്പ്പെടുന്നത് വീഡിയോ ദൃശ്യങ്ങളില് കാണാം. ഇന്നലെ രാത്രിയാണ് സംഭവം.
മൂന്ന് യുവാക്കള് സഞ്ചരിച്ച കാറില് പോലീസ് വാഹനം ഇടിക്കുകയായിരുന്നു. ഇവര് പോലീസ് വാഹനത്തിന് പിന്നാലെ പോയി. അതിന് മുന്പ് ഇതേ പോലീസ് വാഹനം ബൈക്കിലിടിക്കാന് ശ്രമമുണ്ടായെങ്കിലും ഇടിച്ചില്ല. ബൈക്കുകാരന് പോലീസ് വാഹനത്തിന് പിന്നാലെ പോയി. തുടര്ന്ന് മങ്കടയില് വെച്ചാണ് കാറുമായി ഇടിച്ചത്. നാട്ടുകാര് കൂടി പരിശോധിച്ചപ്പോള് പോലീസ് വാഹനത്തിനുള്ളില് മദ്യപിച്ച് ബോധമില്ലാത്ത അവസ്ഥയിലായിരുന്നു ഗോപിമോഹന്. നാട്ടുകാര് വിവരമറിയിച്ചതിനെ തുടര്ന്ന് മങ്കട പോലീസ് സ്ഥലത്തെത്തിയാണ് ഇദ്ദേഹത്തെ കസ്റ്റഡിയിലെടുത്തത്.
