മാന്നാര് : പ്രായപൂര്ത്തിയാകാത്ത 14 ഉം 10 ഉം വീതം വയസ് പ്രായമുള്ള മക്കളെ ഉപേക്ഷിച്ചുപോയ കമിതാക്കള്ക്കെതിരെ കേസ്. വിവാഹിതനും രണ്ട് കുട്ടികളുെട പിതാവുമായ മാന്നാര് കുരട്ടിശ്ശേരി പാവുക്കര മൂന്നാം വാര്ഡില് കുറുമ്പഴക്കയില് വീട്ടില് ടി.താമരാക്ഷന് ( 42 ) പാവുക്കര ചെറുതാഴെയില് വീട്ടില് രണ്ടുമക്കളുടെ മാതാവ് കൂടിയായ റംസിയ (36) എന്നിവര്ക്കെതിരെയാണ് കേസ്.
കുറച്ചു നാളുകളായി ഇരുവരും തമ്മില് പ്രണയത്തിലായിരുന്നു. ഇതറിഞ്ഞ ഭര്ത്താവ് ബന്ധം വിലക്കുകയും ഇനിയങ്ങനെയുണ്ടാകില്ലെന്ന ഉറപ്പിന്മേല് ഒന്നിച്ചു താമസിച്ചുവരികയായിരുന്നു. എന്നാല്, കഴിഞ്ഞ ദിവസം കാമുകന്റെ ഇടുക്കിയിലുള്ള ബന്ധുവീട്ടിലേക്ക് ഇവര് കാറില് കടക്കുകയായിരുന്നു. തുടര്ന്ന് രണ്ടു പേരുടെയും ബന്ധുക്കള് പോലീസില് പരാതിനല്കി.
ഇവര് ഉപയോഗിച്ചിരുന്ന ഫോണ് നമ്പരുകള് കേന്ദ്രീകരിച്ച് നടത്തിയ അന്വേഷണത്തിലാണ് പോലീസ് രണ്ട് പേരെയും പിടികൂടിയത്. പ്രായപൂര്ത്തിയാകാത്ത മക്കളെ സംരക്ഷിക്കുവാന് ബാധ്യസ്ഥരായവര് അവരെ ഉപേക്ഷിച്ചു പോയതോടെ കുട്ടികള്ക്ക് അരക്ഷിത ബോധവും – മാനസിക വിഷമവും ഭയവും ഉണ്ടാക്കിയെന്ന കാരണത്തില് 2015 ലെ കുട്ടികളുടെ പരിചരണവും സംരക്ഷണവും ഉള്പ്പെട്ട ബാലനീതി നിയമപ്രകാരമാണ് ഇവര്ക്കെതിരെ കേസ് രജിസ്റ്റര് ചെയ്തിരിക്കുന്നത്.
