കട്ടപ്പന : ഒമ്പതാം ക്ലാസ് വിദ്യാര്ഥിനിയെ പീഡിപ്പിക്കാൻ ശ്രമിച്ചെന്ന പരാതിയില് അധ്യാപകനെതിരെ കേസ്. കട്ടപ്പന പോലീസ് സ്റ്റേഷന് പരിധിയിലെ സ്കൂളിലാണ് സംഭവം. ഈട്ടിത്തോപ്പ് പിരിയംമാക്കല് ഷെല്ലി ജോര്ജിനെതിരെയാണ് കേസ്. ഹോസ്റ്റലില്പഠിക്കുന്ന വിദ്യാര്ത്ഥിനിയുടെ ശരീരത്തില് പ്രതി കടന്നു പിടിച്ചതായാണ് പരാതി. പോലീസ് കേസെടുത്തതോടെ പ്രതി ഒളിവില് പോയിരിക്കുകയാണ്.
പെൺകുട്ടിയെ ഇയാൾ പലതവണ ഉപദ്രവിക്കാൻ ശ്രമിച്ചിരുന്നുവെന്നാണ് ആരോപണം. മുമ്പ് ബസ് യാത്രയ്ക്കിടയില് യാത്രക്കാരിയോട് സമാന രീതിയില് പെരുമാറിയതിന് ഷെല്ലി ജോര്ജിനെതിരെ എരുമേലി പോലീസില് പരാതി ലഭിച്ചിരുന്നു. എന്നാല് രാഷ്ട്രീയ സംഘടനാ സ്വാധീനത്താല് പരാതി ഒത്തു തീര്ക്കുകയായിരുന്നു. ഒളിവില് പോയ പ്രതിക്കായി അന്വേഷണം ഊര്ജ്ജിതമാക്കിയതായി പോലീസ് പറഞ്ഞു.