ഹൈദരാബാദ്: പൊതുമുതല്‍ നശിപ്പിച്ചതിന് നടി ഡിംപിള്‍ ഹയാത്തിക്കും കാമുകനുമെതിരെ കേസ്. ഹൈദരാബാദിലെ ജൂബിലി ഹില്‍സിലെ വസതിയില്‍ പാര്‍ക്ക് ചെയ്തിരുന്ന ഐപിഎസ് ഉദ്യോഗസ്ഥന്‍ രാഹുല്‍ ഹെഗ്ഡെയുടെ വാഹനം കേടുവരുത്തിയതിനാണ് നടപടി. നടിയെ കൂടാതെ ഇവരുടെ ലിവിങ് ടുഗദര്‍ പങ്കാളി വിക്ടര്‍ ഡേവിഡിനെതിരെയാണ് ക്രിമിനല്‍ കേസ് രജിസ്റ്റര്‍ ചെയ്തിരിക്കുന്നത്. പരാതിയില്‍ ഐപിസി 353, 341, 279 എന്നീ വകുപ്പുകള്‍ പ്രകാരമാണ് ഇരുവര്‍ക്കുമെതിരെ കേസെടുത്തിരിക്കുന്നത്.
ഡേവിഡിന്റെ വാഹനം ഉദ്യോഗസ്ഥന്റെ കാറില്‍ ഇടിച്ചത് ഡ്രൈവര്‍ ചേതന്‍ കുമാര്‍ ചോദ്യം ചെയ്തു. ഇതുകണ്ട ഡിംപിള്‍ കാറില്‍ ചവിട്ടിയതായും പരാതിയില്‍ പറയുന്നു. സംഭവത്തില്‍ ഡ്രൈവര്‍ ചേതന്‍ കുമാറാണ് ജൂബിലി ഹില്‍സ് പോലീസ് സ്റ്റേഷനില്‍ പരാതി നല്‍കിയത്. ഡിംപിളും ഡേവിഡും പോലീസ് ഓഫീസര്‍ താമസിക്കുന്ന അതേ അപ്പാര്‍ട്ട്മെന്റിലാണ് താമസിക്കുന്നത്.
