കണ്ണൂര്‍ : കണ്ണൂര്‍ ചാലയില്‍ പേ വിഷബാധ ലക്ഷണങ്ങള്‍ കാണിച്ച പശു ചത്തു. ചാലയിലെ ഷിജിത്തിന്റെ പശുവാണ് അക്രമാസക്തമായ ശേഷം ചൊവ്വാഴ്ച രാവിലെ ചത്തത്. തിങ്കളാഴ്ച രാവിലെ മുതലാണ് പശു പേവിഷബാധയുടെ ലക്ഷണങ്ങള്‍ കാണിച്ചു തുടങ്ങിയത്. പശുവിന്റെ പോസ്റ്റ്മോര്‍ട്ടം നടത്തിയ ശേഷമാകും പേവിഷ ബാധയുണ്ടായോയെന്ന കാര്യം സ്ഥിരീകരിക്കുകയെന്ന് ആരോഗ്യ വകുപ്പ് അറിയിച്ചു. പശുവിനെ പട്ടി കടിച്ചതായുള്ള ലക്ഷണങ്ങളോ മുറിവുകളോ പ്രത്യക്ഷത്തില്‍ കാണുന്നില്ലെന്നാണു സൂചന. പേ വിഷബാധയേറ്റത് എങ്ങിനെയാണെന്ന് സ്ഥിരീകരിക്കാന്‍ കഴിഞ്ഞിട്ടില്ല.
