തിരുവനന്തപുരം: ക്രൈസ്തവ സഭകളെ അനുനയിപ്പിക്കാന് നേരിട്ടിറങ്ങി എ ഐ സി സി പ്രതിനിധികള്. താരിഖ് അന്വര് കര്ദ്ദിനാള് മാര് ക്ലീമിസ് ബാവയുമായി കൂടിക്കാഴ്ച നടത്തി. എ ഐ സി സി സെക്രട്ടറി ഐവാന് ഡിസൂസയും ആന്റോ ആന്റണി എം പിയും കൂടിക്കാഴ്ചയില് പങ്കെടുത്തു.
തദ്ദേശ തിരഞ്ഞെടുപ്പില് ക്രൈസ്തവ സമൂഹം യു ഡി എഫില് നിന്ന് അകന്നുവെന്ന വികാരമാണ് എ ഐ സി സിക്കുളളത്. വരുന്ന നിയമസഭ തിരഞ്ഞെടുപ്പില് ഏത് തരത്തിലാണ് ക്രൈസ്തവ സഭകളുടെ വിശ്വാസം നേടേണ്ടത് എന്നാണ് കൂടിക്കാഴ്ചയില് പ്രധാനമായും ചര്ച്ചയായത്. മാര്ത്തോമ സഭയുടെ പ്രതിനിധികളുമായും ഐവാന് ഡിസൂസ കൂടിക്കാഴ്ച നടത്തി.
