പുല്വാമ: പുല്വാമ ഭീകരാക്രമണം ആഘോഷിച്ച യുവാവിന് തടവ് ശിക്ഷ വിധിച്ച് ബെംഗളൂരു പ്രത്യേക കോടതി. കച്ചര്ക്കനഹള്ളി സ്വദേശിയായ ഫായിസ് റാഷിദിനാണ് അഞ്ച് വര്ഷം തടവും 10,000 രൂപ പിഴയും ശിക്ഷ വിധിച്ചത്. സോഷ്യല് മീഡിയയിലൂടെ ഭീകരാക്രമണം ആഘോഷിക്കുകയും സൈന്യത്തെ പരിഹസിക്കുകയും ചെയ്യുന്ന പോസ്റ്റുകള് പങ്കുവെച്ചെന്നാണ് കുറ്റം.
വിവിധ പോസ്റ്റുകളിലായി 23 കമന്റുകളാണ് റഷീദ് നടത്തിയത്. വര്ഗീയ കലാപം ആളിക്കത്തിക്കുക എന്ന ഉദ്ദേശത്തോടെയാണ് റഷീദ് കമന്റുകള് ചെയ്തതെന്ന് ജഡ്ജിമാര് നിരീക്ഷിച്ചു. ”പ്രതി ഒന്നോ രണ്ടോ തവണയല്ല അപകീര്ത്തികരമായ പരാമര്ശങ്ങള് നടത്തിയത്. ഫേസ്ബുക്കില് വാര്ത്താ ചാനലുകളും ഇട്ട പോസ്റ്റുകള്ക്കെല്ലാം അദ്ദേഹം കമന്റ് ചെയ്തു. മാത്രമല്ല, അദ്ദേഹം നിരക്ഷരനോ സാധാരണക്കാരനോ ആയിരുന്നില്ല. കുറ്റം ചെയ്യുന്ന സമയത്ത് എഞ്ചിനീയറിംഗ് വിദ്യാര്ത്ഥിയായിരുന്ന അദ്ദേഹം തന്റെ ഫേസ്ബുക്ക് അക്കൗണ്ടില് മനഃപൂര്വ്വം പോസ്റ്റുകളും കമന്റുകളും ഇട്ടതാണ്,”കോടതി നിരീക്ഷിച്ചു. 2019ല് പാകിസ്ഥാന് ആസ്ഥാനമായുള്ള ഭീകരസംഘടനയായ ജെയ്ഷെ മുഹമ്മദ് നടത്തിയ ഭീകരാക്രമണത്തില് 40 സിആര്പിഎഫ് ജവാന്മാര് കൊല്ലപ്പെട്ടിരുന്നു.
