കുമ്പനാട് : ഏറ്റവും വലിയ പെന്തക്കോസ്തു സംഗമമായ കുമ്പനാട് കണ്വെന്ഷന്റെ ശതാബ്ദി സമ്മേളനം ജനുവരി 14 മുതല് 21 വരെ ഇന്ത്യന് പെന്തക്കോസ്തു സഭാ (ഐ.പി. സി) ആസ്ഥാനമായ കുമ്പനാട് ഹെബ്രോണ് പുരത്തു നടക്കും. ഐ.പി.സി സഭയുടെ വാര്ഷിക കണ്വെന്ഷനായ ഈ ആത്മീയ സംഗമത്തില് ലോകത്തിന്റെ വിവിധ ഭാഗങ്ങളില് നിന്നുള്ള സഭാ വിശ്വാസികളോടൊപ്പം ജാതിമത വ്യത്യാസം ഇല്ലാതെ പതിനായിരക്കണക്കിന് ആളുകള് പങ്കെടുക്കും. ശതാബ്ദി കണ്വെന്ഷന് വിപുലവും വ്യത്യസ്തവുമായ പ്രോഗ്രാമുകളോടെ നടത്തുവാന് ജനറല് പ്രസിഡന്റ് പാസ്റ്റര് ഡോ. ടി വത്സന് എബ്രഹാമിന്റെ അധ്യക്ഷതയില് കൂടിയ ജനറല് കൗണ്സില് യോഗം തീരുമാനിച്ചു.
കണ്വെന്ഷന്റെ നടത്തിപ്പിനു വേണ്ടി പാസ്റ്റര് ബേബി വര്ഗീസ് (പ്രാര്ത്ഥന), പാസ്റ്റര് ഫിലിപ്പ് പി.തോമസ് (പബ്ലിസിറ്റി), പാസ്റ്റര് വത്സന് എബ്രഹാം (സംഗീതം), ജോണ് ജോസഫ് (ഭക്ഷണം), വര്ക്കി എബ്രഹാം (പന്തല്), പാസ്റ്റര് തോമസ് ജോര്ജ് (തിരുവത്താഴ ശുശ്രൂഷ), പാസ്റ്റര് റെജി ഓതറ (റിസപ്ഷന്), പാസ്റ്റര് ബേബി കടമ്പനാട് (അക്കമഡേഷന്), ലെഫ്റ്റനന്റ് കേണല് വി.ഐ ലുക്ക് (വിജിലന്സ്), പാസ്റ്റര് കോശി (രജിസ്ട്രേഷന്), ചെറിയാന് ജോര്ജ് (ഗതാഗതം), പാസ്റ്റര് സണ്ണി ഫിലിപ്പ് (കൗണ്സിലിംഗ്), ചാക്കോ തോമസ് (ഹിന്ദി വിഭാഗം), പാസ്റ്റര് കിംഗ്സിലി ചെല്ലന് (യൂത്ത് അഡ്വാന്സ്), ഡോ. ജോര്ജ് തോമസ് (മെഡിക്കല് സര്വീസ്), വര്ഗീസ് മാത്യു (ഓഫറിങ്) എന്നിവര് അധ്യക്ഷന്മാരായി വിവിധ കമ്മറ്റികള് രൂപീകരിച്ചു.
