കൊച്ചി : നാടന്കാക്ക, വവ്വാല്, ചുണ്ടെലി, പന്നിയെലി എന്നിവയെ കൊല്ലാന് ഇനി കേന്ദ്രസര്ക്കാരിന്റെ മുന്കൂര് അനുമതി വേണം. വന്യജീവി സംരക്ഷണനിയമ(1972)ത്തിലെ പുതിയ ഭേദഗതിപ്രകാരമാണിത്. കഴിഞ്ഞ 20-നാണ് ഭേദഗതി വിജ്ഞാപനം നിലവില്വന്നത്. നിയമം ലംഘിച്ചാല് മൂന്നുവര്ഷംവരെ തടവും കാല്ലക്ഷം രൂപവരെ പിഴയുമാണു ശിക്ഷ.കേരളത്തില് നാടന്കാക്ക, വവ്വാല്, ചുണ്ടെലി, എലി എന്നിവയെ വന്യജീവി സംരക്ഷണനിയമത്തിന്റെ അഞ്ചാം ഷെഡ്യൂളില് ഉള്പ്പെട്ട ക്ഷുദ്രജീവികളായാണു കേന്ദ്രസര്ക്കാര് പ്രഖ്യാപിച്ചിരുന്നത്. എന്നാല് ഭേദഗതിപ്രകാരം ഇപ്പോള് ഷെഡ്യൂള് രണ്ടിന്റെ സംരക്ഷണപരിധിയിലാണ്. ഷെഡ്യൂള് അഞ്ച് അപ്പാടെ ഇല്ലാതായി.
ഇവയുടെ എണ്ണം രാജ്യത്തു വന്തോതില് കുറയുന്നതായി കണ്ടെത്തിയതിനാലാണു കൊല്ലുന്നതിനു നിയന്ത്രണമേര്പ്പെടുത്തിയത്. എന്നാല് ഇവ ക്രമാതീതമായി പെരുകിയെന്നു കണ്ടെത്തിയാല് നിശ്ചിതകാലത്തേക്കു കൊന്നൊടുക്കാന് അനുമതിതേടി കേന്ദ്രത്തിന് അപേക്ഷ നല്കാം. സംസ്ഥാന വൈല്ഡ് ലൈഫ് ബോര്ഡാണ് അപേക്ഷ നല്കേണ്ടത്. എണ്ണം കുറയുന്നില്ലെന്നു കണ്ടാല് കാലയളവ് നീട്ടിച്ചോദിക്കാനും വ്യവസ്ഥയുണ്ട്.
വന്യജീവി സംരക്ഷണനിയമത്തില് ഉള്പ്പെട്ടവയെ ക്ഷുദ്രജീവികളായി കേന്ദ്രം പ്രഖ്യാപിച്ചാലേ കൊല്ലാന് അനുമതിയുള്ളൂ. ഉപദ്രവകാരികളായ കാട്ടുപന്നിയെ കൊല്ലാമെന്നു ഹൈക്കോടതി വിധിയുണ്ടായിട്ടും ക്ഷുദ്രജീവിയായി പ്രഖ്യാപിക്കാന് കേന്ദ്രം തയാറായിട്ടില്ല. ഷെഡ്യൂള് രണ്ടിലാണു കാട്ടുപന്നിയും ഉള്പ്പെടുന്നത്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
