പത്തനംതിട്ട: ശബരിമല വിഷയത്തിന്റെ പശ്ചാത്തലത്തിൽ കേരളത്തിലെ ദേവസ്വം ബോർഡിന്റെ അധികാര ത്തിൽ ഉള്ള എല്ലാ ക്ഷേത്രങ്ങളിലെയും, സാമ്പത്തിക, സ്വത്തു വകകൾ സംബന്ധിച്ച കാര്യങ്ങൾ കേന്ദ്ര ഏജൻസികൾ അന്വേഷിക്കണമെന്നു ബി ഡി ജെ എസ് സംസ്ഥാന ഉപാദ്യക്ഷൻ കെ പദ്മകുമാർ ആവശ്യപെട്ടു. ബി ഡി ജെ എസ് പത്തനംതിട്ട ജില്ലാ എക്സിക്യൂട്ടീവ് കമ്മിറ്റി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പാർട്ടി ജില്ലാ പ്രസിഡന്റ് ഡോ: ആനന്ദരാജ് അദ്യക്ഷൻ ആയിരുന്ന യോഗത്തിൽ സംസ്ഥാന സെക്രട്ടറി രതീഷ് മുട്ടപ്പള്ളി സംഘടനാ കാര്യങ്ങൾ വിശദീകരിച്ചു.
പത്തനംതിട്ട ജില്ലയിലെ എല്ലാ പഞ്ചായത്തുകളിലും സ്ഥാനാർത്ഥികളെ മത്സരിപ്പിക്കാൻ യോഗം തീരുമാനിച്ചു. അതോടൊപ്പം പാർട്ടിയുടെ ജില്ലയിലെ മെമ്പർഷിപ്പ് ക്യാമ്പയിൻ പാർട്ടി സംസ്ഥാന ഉപാധ്യക്ഷൻ കെ പത്മകുമാർ ജില്ലാ പ്രസിഡണ്ട് ഡോ: ആനന്ദരാജിനു നൽകി ഉദ്ഘാടനം നിർവഹിക്കുകയും ചെയ്തു. ടി പി സുന്ദരേശൻ, നോബൽ കുമാർ, ഈ വി ഷാജി, സതീഷ് ബാബു, അജിത് കാരംവേലി, ജഗത് പ്രിയ, ഷിജു മുളന്തര, സുനിൽ കുമാർ, അനു കുമാർ, ദീപു,അനിൽ പുറത്തോട്ട് തുടങ്ങിയവർ സംസാരിച്ചു.
