ഡല്ഹി : പാര്ലമെന്റിന്റെ ബജറ്റ് സമ്മേളനത്തിന് ബുധനാഴ്ച തുടക്കം. രാഷ്ട്രപതി ദ്രൗപതി മുര്മുവിന്റെ പ്രസംഗത്തോടെയാണ് ഹ്രസ്വകാല സമ്മേളനം ആരംഭിക്കുക. ഈ മാസം 31 മുതല് ഫെബ്രുവരി ഒമ്പതുവരെയാണ് സമ്മേളന കാലയളവ്. വ്യാഴാഴ്ച ധനകാര്യമന്ത്രി നിര്മ്മല സീതാരാമന് കേന്ദ്ര ബജറ്റ് അവതരിപ്പിക്കും. രണ്ടാം മോദി സര്ക്കാരിന്റെ അവസാന ബജറ്റാണിത്. ലോക്സഭാ തെരഞ്ഞെടുപ്പ് മുന്നില് കണ്ട് ജനപ്രിയ പ്രഖ്യാപനങ്ങള് ബജറ്റില് ഉണ്ടാകും എന്നാണ് പ്രതീക്ഷ.
സ്ത്രീകള്ക്കും യുവാക്കള്ക്കും ചെറുകിട ഇടത്തരം വ്യവസായങ്ങള്ക്കും കൂടുതല് പ്രഖ്യാപനങ്ങള് ഉണ്ടാകുമെന്നാണ് പ്രതീക്ഷ. കാര്ഷിക മേഖല, ഇലക്ട്രിക് വാഹനങ്ങള് എന്നിവയിലും വലിയ പ്രഖ്യാപനങ്ങള് ഉണ്ടായേക്കും. നികുതി ഇളവുകളും പ്രതീക്ഷിക്കുന്നു.
