ന്യൂഡല്ഹി: പശ്ചിമേഷ്യയില് നടക്കുന്ന സംഘര്ഷങ്ങളുടെ പശ്ചാത്തലത്തില് ഇന്ത്യയിലും അക്രമസംഭവങ്ങള്ക്ക് സാധ്യതയുണ്ടെന്ന് സംസ്ഥാനങ്ങള്ക്ക് കേന്ദ്ര ആഭ്യന്തര മന്ത്രാലയത്തിന്റെ മുന്നറിയിപ്പ്. ഇറാന്റെ പരമോന്നത നേതാവായിരുന്ന അയത്തൊള്ള അലി ഖമനേയി കൊല്ലപ്പെട്ടതിന് ശേഷം ജമ്മു കശ്മീരിലും യുപിയിലെ ലഖ്നൗവിലും നടന്ന പ്രതിഷേധങ്ങള്ക്ക് പിന്നാലെയാണ് കേന്ദ്രത്തിന്റെ ഈ മുന്നറിയിപ്പ്. എല്ലാ സംസ്ഥാന സര്ക്കാരുകള്ക്കും ഇതുസംബന്ധിച്ച് ഒരു കത്ത് കേന്ദ്രം നല്കിയിട്ടുണ്ടെന്ന് വാര്ത്താ ഏജന്സികള് റിപ്പോര്ട്ട് ചെയ്തു.
രാജ്യത്ത് വര്ഗീയ സംഘര്ഷങ്ങള് ഉടലെടുക്കാനുള്ള സാധ്യത മുന്നില്കണ്ട് ജാഗ്രത വര്ധിപ്പിക്കാനും കേന്ദ്ര ആഭ്യന്തര മന്ത്രാലയം സംസ്ഥാനങ്ങളോട് ആവശ്യപ്പെട്ടിട്ടുണ്ട്. അതേസമയം ഖമനേയിയുടെ കൊലപാതകത്തിനെതിരെ നടന്ന പ്രതിഷേധങ്ങളെ തുടര്ന്ന് തിങ്കളാഴ്ച കശ്മീര് താഴ്വരയിലുടനീളം മൊബൈല് ഇന്റര്നെറ്റ് സേവനങ്ങള്ക്ക് വേഗത കുറച്ചിരുന്നു.
