തിരുവല്ല : ശ്രീവല്ലഭ ക്ഷേത്രത്തിലെ സ്വർണ ധ്വജ നിർമാണത്തിനുള്ള തേക്ക് മരം എണ്ണത്തോണിയിൽ തൈലാധിവാസത്തിനായി ഇടുന്നതിനുള്ള ചടങ്ങ് 7ന് രാവിലെ 9.50നും 10.30നും ഇടയിൽ നടക്കും. ദേവസ്വം ബോർഡ് പ്രസിഡന്റ് പി.എസ്.പ്രശാന്ത് തൈലാധിവാസ ചടങ്ങുകൾക്ക് തിരി തെളിയിക്കും. ഔഷധ എണ്ണയുടെ കലശപൂജ ക്ഷേത്രം തന്ത്രി കുഴിക്കാട്ടില്ലത്ത് അഗ്നി ശർമൻ വാസുദേവൻ ഭട്ടതിരിയുടെ മുഖ്യ കാർമികത്വത്തിൽ നടക്കും. തേക്കിൻ തടി എണ്ണത്തോണിയിൽ നിക്ഷേപിച്ച് പ്രത്യേകം തയാറാക്കി പൂജിച്ച എണ്ണ ഒഴിക്കും. 35 ആയുർവേദ മരുന്നുകളും ഔഷധ കൂട്ടുകളും ഇടിച്ച് പിഴിഞ്ഞ് എടുത്ത് ഉണ്ടാക്കുന്ന തൈലത്തിലാണ് തടി നിക്ഷേപിക്കുന്നത്. 13 കൂട്ടം വസ്തുക്കൾ ചേർത്ത് ആദ്യം കഷായം ഉണ്ടാക്കും. അത് നാലിലൊന്നായി വറ്റിച്ച് എള്ളെണ്ണയിൽ മറ്റ് ആയുർവേദ, അങ്ങാടിമരുന്നുകളും ചേർത്താണ് തൈലം തയാറാക്കുന്നത്.
6 മാസത്തിൽ കുറയാതെ കൊടി മരം എണ്ണത്തോണിയിൽ തൈലത്തിൽ ഇടും. പുതുതായി സ്ഥാപിക്കുന്ന കൊടിമരത്തിന് ഉളള മരം എണ്ണത്തോണിയിൽ ഇട്ട് പാകപ്പെടുത്തുന്ന ചടങ്ങാണിത്. ശ്രീവല്ലഭ ക്ഷേത്ര മേൽശാന്തി ചുരൂർ മഠത്തിൽ ശ്രീകുമാറാണ് എണ്ണത്തോണി വഴിപാടായി സമർപ്പിച്ചത്. ഒട്ടേറെ ക്ഷേത്രങ്ങളിലെ കൊടിമര തടിക്ക് ഔഷധ എണ്ണ ഒരുക്കിയ തൊടുപുഴ സ്വദേശി വേണുവിന്റെ നേതൃത്വത്തിൽ അഞ്ചോളം പേർ ചേർന്ന് വ്രതമെടുത്താണ് ഔഷധ എണ്ണ തയാറാക്കിയത്. നവംബർ മാസം 4ന് പൂഞ്ഞാറിലെ പാതാംമ്പുഴയിൽ നിന്നും സ്വർണ ധ്വജത്തിനുള്ള തേക്ക് മരം ഘോഷയാത്രയായി കൊണ്ടുവന്ന് ക്ഷേത്രത്തിന്റെ വടക്ക് ഭാഗത്ത് പ്രത്യേകം തയാറാക്കിയ പണിശാലയിൽ എത്തിച്ചത്. തുടർന്ന് നവംബർ 19ന് ധ്വജ നിർമാണത്തിനുള്ള ഉളി വെപ്പ് കർമം നടന്നു.കൊടിമര ശിൽപി അനന്തൻ ആചാരിയുടെ നേതൃത്വത്തിൽ ആണ് നിർമാണ പ്രവർത്തനങ്ങൾ നടക്കുന്നത്. ക്ഷേത്രത്തിൽ നിലവിലുണ്ടായിരുന്ന കൊടിമരം ഇടിമിന്നൽ ഏറ്റതിനെ തുടർന്നാണ് പുതിയ കൊടിമരം നിർമിക്കുന്നത്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
