കണ്ണുര് : പനയത്താംപറമ്പില് .ചക്കരക്കല് പോലീസ് സ്റ്റേഷന് പരിധിയിലെ ചാലോടിനടുത്തെ പനയത്താംപറമ്പില് ഏഴു മാസം ഗര്ഭിണിയായ ഭാര്യയെയാണ് ഭര്ത്താവ് കത്തി കൊണ്ടു വകവരുത്താന് ശ്രമിച്ചത്. അതിനിടെ രക്ഷപ്പെട്ട ഭര്ത്താവിനെതിരെ പോലീസ് വധശ്രമത്തിന് കേസെടുത്തിട്ടുണ്ട്. വ്യാഴാഴ്ച്ച സന്ധ്യയോടെയാണ് നാടിനെ നടുക്കിയ സംഭവമുണ്ടായത്. പനയത്താംപറമ്പ് സ്വദേശിനി പ്രമ്യയെയാണ് ഭര്ത്താവ് ഷൈജേഷ് കത്തി കൊണ്ട് കഴുത്തറത്തു കൊല്ലാന് ശ്രമിച്ചത്.
ഇവരുടെ കഴുത്തിന് പിന്നില് കത്തി കൊണ്ടു ആഴത്തില് മുറിവേല്പ്പിച്ചതിനു ശേഷം ഭര്ത്താവ് വീട്ടില് നിന്നും ഓടി രക്ഷപ്പെടുകയായിരുന്നു. രക്തം വാര്ന്ന നിലയില് യുവതിയെ നാട്ടുകാരും ബന്ധുക്കളും ചാല മിംമ്സ് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചു. കുടുംബ വഴക്കാണ് അക്രമത്തിന് കാരണമെന്നാണ് പോലീസിന്റെ പ്രാഥമിക നിഗമനം. കൂത്തുപറമ്പ് നീര്വേലി സ്വദേശിയായ ഷൈജേഷ് ഏറെക്കാലമായി ഭാര്യവീടായ പനയത്താംപറമ്പിലാണ് താമസം.