ചണ്ഡിഗഡ്: ലഖിംപൂരിന് പിന്നാലെ ചണ്ഡിഗഡിലും കര്ഷക സമരത്തിന് നേരെ വാഹനം ഇടിച്ചുകയറ്റി ആക്രമണം. ബിജെപി എംപി നയാബ് സൈനി സഞ്ചരിച്ച വാഹനമാണ് അംബാലയില് പ്രതിഷേധിക്കുന്ന കര്ഷകര്ക്കിടയിലേക്ക് ഇടിച്ച് കയറ്റിയത്. ഒരു കര്ഷകന് ഗുരുതരമായി പരിക്കേറ്റതായാണ് റിപ്പോര്ട്ടുകള്.
അംബാലയിലെ നാരായണ്ഘട്ട് എന്ന പ്രദേശത്താണ് കര്ഷകര് പ്രതിഷേധം നടത്തിയത്. കോവിഡുമായി ബന്ധപ്പെട്ട പരിപാടിക്കായാണ് കുരുക്ഷേത്ര എംപി എത്തിയത്. എംപിയുടെ പരിപാടിയിലേക്ക് പ്രതിഷേധവുമായി കര്ഷകര് എത്തി. പരിപാടിയ്ക്ക് ശേഷം പുറത്തേക്കിറങ്ങിയ എംപിയുടെ കാര് പ്രതിഷേധക്കാര്ക്കിടയിലേക്ക് ഇടിച്ചുകയറ്റുകയായിരുന്നെന്ന് കര്ഷക സംഘടനയായ സംയുക്ത കിസാന്മോര്ച്ച പറയുന്നു.
ഒരു കര്ഷകന് ഗുരുതരമായി പരിക്കേറ്റതായും എംപി ബോധപൂര്വം പ്രതിഷേധക്കാര്ക്കിടയിലേക്ക് കാര് ഇടിച്ചുകയറ്റുകയായിരുന്നെന്നും സംയുക്തകിസാന് മോര്ച്ച പ്രവര്ത്തകര് പറയുന്നു. സംഭവത്തെക്കുറിച്ച് പോലീസ് പ്രതികരിച്ചിട്ടില്ല. ഇതിന് പിന്നാലെ പ്രദേശത്ത് കര്ഷകരുടെ വലിയ പ്രതിഷേധമാണ് ഉയരുന്നത്. ഉന്നത പോലീസ് ഉദ്യോഗസ്ഥര് സ്ഥലത്തെത്തിയിട്ടുണ്ട്.
