ചന്ദ്രികയിലേത് ഫണ്ട് തിരിമറിയല്ല സാമ്പത്തിക പ്രതിസന്ധി ; മുഈന്‍ അലി ഉന്നയിച്ച വിഷയം ചര്‍ച്ച ചെയ്യുമെന്ന് ലീഗ്

കോഴിക്കോട് : കുഞ്ഞാലിക്കുട്ടിക്ക് എതിരെ മുഈന്‍ അലി തങ്ങൾ ഉന്നയിച്ച വിഷയം ഇനിയും ചർച്ച ചെയ്യുമെന്ന് ലീഗ് നേതൃത്വം. ചന്ദ്രികയില്‍ നടന്നത് ഫണ്ട് തിരിമറിയല്ലെന്നും ഇപ്പോഴുള്ളത് സാമ്പത്തിക പ്രതിസന്ധി മാത്രമാണെന്നും മുസ്ലീംലീഗ് സംസ്ഥാന ജനറല്‍ സെക്രട്ടറി പി.എം.എ സലാം കോഴിക്കോട് മാധ്യമങ്ങളോട് പറഞ്ഞു. ചന്ദ്രിക ഫിനാന്‍സ് ഡയറക്ടർ സമീറിനെ മാറ്റിയിട്ടില്ലെന്നും ഇതുമായി ബന്ധപ്പെട്ട് യൊതൊരു ചർച്ചയും നടന്നിട്ടില്ലെന്നും സലാം പറഞ്ഞു. വരുന്ന പതിനാലിന് ലീഗ് പ്രവർത്തക സമിതിയോഗം കോഴിക്കോട് ചേരുമെന്നും സലാം അറിയിച്ചു.