പുതുപ്പള്ളി : തെരഞ്ഞെടുപ്പ് ഫലം വന്നതോടെ ഫേസ്ബുക്ക് പോസ്റ്റ് പങ്കുവെച്ച് ചാണ്ടി ഉമ്മൻ. ‘നമ്മൾ ജയിച്ചു അപ്പ….’ എന്നാണ് ചാണ്ടി ഉമ്മൻ ഫേസ്ബുക്കിൽ കുറിച്ചത്. പുതുപ്പള്ളിയിൽ ചാണ്ടി ഉമ്മന്റെ ലീഡ് 40000 കടന്നു. കേരളത്തിൽ നിലവിൽ യു ഡി എഫ് 96 സീറ്റുകളിൽ ലീഡ് ചെയ്തിരിക്കുകയാണ്. ഭരണം യു ഡി എഫ് ഉറപ്പിച്ചതോടെയാണ് ചാണ്ടി ഉമ്മൻ ഇത്തരത്തിൽ ഒരു പോസ്റ്റ് പങ്കുവെച്ചിരിക്കുന്നത്. കേരള നിയമസഭ തെരഞ്ഞെടുപ്പ് വോട്ടെണ്ണൽ തുടങ്ങി മൂന്ന് മണിക്കൂർ പിന്നിടുമ്പോള് യുഡിഎഫിന് വമ്പൻ മുന്നേറ്റമാണ് ഉണ്ടായിരിക്കുന്നത്.
അതിനിടെ, വി.ഡി സതീശനും ഷാഫി പറമ്പിലിനും വി. കെ ശ്രീകണ്ഠനും അഭിവാദ്യo അർപ്പിച്ച് പാലക്കാട് പിരായിരിയിൽ ഫ്ലക്സ്. വീട്ടിൽ പോയി ചോദിക്കാൻ പറഞ്ഞവനോട് കടക്ക് പുറത്തെന്ന് കേരളം എന്നാണ് ഫ്ലക്സിൽ കുറിച്ചിരിക്കുന്നത്. യു ഡി എഫ് പിരായിരി കമ്മിറ്റിയാണ് ഫ്ലക്സ് വെച്ചത്.
