തിരുവനന്തപുരം : സംസ്ഥാന പോലീസ് തലപ്പത്ത് അഴിച്ചുപണി. ജില്ല പോലീസ് സൂപ്രണ്ടുമാര് അടക്കം 38 എസ്.പിമാരെ മാറ്റി നിയമിച്ചു. തൃശൂര്, കണ്ണൂര് സിറ്റി പോലീസ് കമ്മീഷണര്മാരെയും സ്ഥലം മാറ്റി. തിരുവനന്തപുരം സിറ്റി ലോ ആന്ഡ് ഓര്ഡര് ട്രാഫിക് ഡെപ്യൂട്ടി കമ്മിഷണര് ആയിരുന്ന അജിത് കുമാര് ആണ് പുതിയ കണ്ണൂര് സിറ്റി കമ്മീഷണര്. പോലീസ് ബറ്റാലിയന് രണ്ടിലെ കമാന്ഡന്റ് അങ്കിത് അശോകനെ തൃശ്ശൂര് ജില്ലാ പോലീസ് കമ്മിഷണറായും നിയമിച്ചു.
കൊല്ലം റൂറല് എസ്.പി കെ ബി രവിയെ തിരുവനന്തപുരം വിജിലന്സ് ആന്ഡ് ആന്റി കറപ്ഷന് ബ്യൂറോ എസ്പിയായും കണ്ണൂര് റൂറല് ജില്ലാ പോലീസ് മേധാവി പി ബി രാജീവിനെ വനിതാ കമ്മിഷന് ഡയറക്ടറായും മാറ്റിനിയമിച്ചു. ആലപ്പുഴ ജില്ല പോലീസ് മേധാവി ജി ജയ്ദേവിനെ ഭീകരവിരുദ്ധ സ്ക്വാഡ് എസ്.പിയായി മാറ്റി നിയമിച്ചു. ചൈത്രാ തെരേസാ ജോണ് ആണ് പുതിയ ആലപ്പുഴ എസ്പി. കണ്ണൂര് സിറ്റി പോലീസ് കമ്മിഷണര് ആര് ഇളങ്കോ കേരളാ പോലീസ് ഹൗസിങ് ആന്ഡ് കണ്സ്ട്രക്ഷന് കോര്പ്പറേഷന് മാനേജിങ് ഡയറക്ടറാകും.
എറണാകുളം റേഞ്ച് എസ്.പി. ജെ ഹിമേന്ദ്രനാഥിനെ കെഎസ്ഇബിയില് ചീഫ് വിജിലന്സ് ഓഫീസറായി മാറ്റിനിയമിച്ചു. കോഴിക്കോട് റേഞ്ചിലെ സ്പെഷ്യല് ബ്രാഞ്ച് എസ്.പി. എം എല് സുനിലിനെ കൊല്ലം റൂറല് എസ്.പിയായും മാറ്റി. ആര് മഹേഷ് ആണ് പുതിയ കണ്ണൂര് റൂറല് ജില്ലാ പോലീസ് മേധാവി. സുനീഷ് കുമാര് ആറിനെ കേരളാ പോലീസ് അക്കാദമി അഡ്മിനിസ്ട്രേഷന് അസിസ്റ്റന്റ് ഡയറക്ടര് ആയും ബി കെ പ്രശാന്തന് കാണിയെ റാപ്പിഡ് റെസ്പോണ്സ് ആന്ഡ് റെസ്ക്യൂ ഫോഴ്സ് ബറ്റാലിയന് കമാന്ഡന്റ് ആയും മാറ്റി നിയമിച്ചിട്ടുണ്ട്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.