കൊട്ടാരക്കര : ചാരായവും കോടയുമായി കൊലപാതക കേസിലെ പ്രതിയെ എക്സൈസ് പിടികൂടി.ഒരു ലിറ്റര്‍ ചാരായവും 80 ലിറ്റര്‍ കോടയുമാണ് ഇയാളുടെ കൈയില്‍ നിന്ന് പിടികൂടിയത്. നാട്ടില്‍ നിന്ന് കൊലപാതക്കേസില്‍ പ്രതിയായതോടെ മുങ്ങിയ ഇയാളെ വാടക വീട്ടില്‍ നിന്നാണ് എക്സൈസ് സംഘം പിടികൂടിയത്.
തേവലപ്പുറം പടിഞ്ഞാറ് ആലോട്ട്അഴികത്ത് പുത്തന്‍വീട്ടില്‍ തെക്കതില്‍ വാടകയ്ക്ക് താമസിക്കുന്ന നെടുമങ്ങാട് വേങ്കോല സ്വദേശി സതീശനാണ് (48) പിടിയിലായത്. പ്രിവന്റീവ് ഓഫീസര്‍ ജെ.ആര്‍. പ്രസാദ് കുമാര്‍, പ്രിവന്റീവ് ഓഫീസര്‍ എം.എസ് ഗിരീഷ്, വനിതാ സിവില്‍ എക്സൈസ് ഓഫീസര്‍ അര്‍ച്ചന, സിവില്‍ എക്സൈസ് ഓഫീസര്‍ പ്രേംരാജ്, സുജിന്‍ എന്നിവരുടെ നേതൃത്വത്തിലായിരുന്നു അറസ്റ്റ്.
