കോഴഞ്ചേരി : വൈദ്യുതി വാഹനങ്ങള്‍ക്കായി സ്ഥാപിച്ചിട്ടുള്ള ചാര്‍ജിങ്‌ പോയിന്റ് കാടുകയറി. കോഴഞ്ചേരി – പത്തനംതിട്ട റോഡില്‍ സ്‌റ്റേഡിയത്തിന്‌ സമീപമുള്ള ചാര്‍ജിങ്‌ പോയിന്റാണ്‌ വള്ളിപടര്‍പ്പുകള്‍ കയറി കിടക്കുന്നത്‌. ഉപയോഗിക്കുന്നവരുടെ എണ്ണം വർധിച്ചതും പൊതു ചാർജിങ് സ്റ്റേഷനുകളുടെ കുറവ് പരിഹരിക്കുന്നതിന് വേണ്ടിയാണ് കെ.എസ്.ഇ.ബി നിശ്ചിത സ്ഥലങ്ങളിൽ ഇലക്ട്രിക് വെഹിക്കിൾ ചാർജിങ് പോയിന്റുകൾ സ്ഥാപിച്ചത്. ചാർജിങ് മെഷീനിലും വള്ളികൾ വളർന്നു നിൽക്കുകയാണ്. ഈ ഭാഗം ഇഴജന്തുക്കളുടെ താവളം ആണെന്ന് നാട്ടുകാർ പറയുന്നു. ഏറെ സൗകര്യപ്രദമായ സ്ഥലത്താണ് ചാർജിങ് പോയിന്റ് സ്ഥാപിച്ചിരിക്കുന്നതെങ്കിലും നിലവിലത്തെ അവസ്ഥയിൽ ആർക്കും പ്രയോജനപ്പെടുകയില്ല. കാട് വളർന്നത് മൂലം ഇവിടെ ചാർജിങ് പോയിന്റ് ഉണ്ടെന്ന് പോലും എളുപ്പത്തിൽ മനസ്സിലാവുകയില്ല.
ഒരു പ്രാവശ്യം ഫുള്‍ ചാര്‍ജ്‌ ചെയ്‌താല്‍ ഓട്ടോറിക്ഷകള്‍ക്ക്‌ 100 കിലോമീറ്റര്‍ വരെ ഓടാന്‍ കഴിയും. ഇതിനാല്‍ ഓട്ടോ സ്‌റ്റാന്റുകള്‍ക്ക്‌ സമീപമാണ്‌ കെ.എസ്.ഇ.ബി. ചാര്‍ജിങ്‌ പോയിന്റുകള്‍ സ്‌ഥാപിച്ചിട്ടുള്ളത്‌. കാറുകള്‍ക്കും ഇവിടെ ചാര്‍ജ്‌ ചെയ്യാം. ചാര്‍ജിങ്‌ പോയിന്റുകള്‍ സ്ഥാപിച്ചിട്ടുള്ള വൈദ്യുത പോസ്‌റ്റുകള്‍ പച്ചയും മഞ്ഞയും പെയിന്റ്‌ അടിച്ച്‌ മനോഹരമാക്കി. ഇപ്പോള്‍ ഇവിടേക്ക്‌ അടുക്കാന്‍ കഴിയാത്ത വിധം കാടാണ്‌. വാഹനങ്ങള്‍ അടുപ്പിക്കാനും കഴിയുന്നില്ല.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
