തൃശൂര്‍ : ചാവക്കാട് പ്രദേശത്ത് അതീവ ജാഗ്രത. നാല് ആരോഗ്യപ്രവര്‍ത്തകര്‍ക്കുകൂടി കോവിഡ് സ്ഥരീകരിച്ചതോടെ താലൂക്ക് ആശുപത്രി പൂര്‍ണമായി അടച്ചു. 38, 42, 53, 31 വീതം പ്രായമുള്ള ചാവക്കാട് സ്വദേശിനികളായ നാല് ആരോഗ്യ പ്രവര്‍ത്തകര്‍ക്കാണ് ഇന്ന് കോവിഡ് സ്ഥിരീകരിച്ചത്. നിലവില്‍ ചാവക്കാട് താലൂക്ക് ആശുപത്രിയിലെ 161 ജീവനക്കാരില്‍ 9 പേര്‍ക്ക് രോഗം സ്ഥിരീകരിച്ചു. ഇതോടെ തൃശൂര്‍ ജില്ലയില്‍ ഇതുവരെ കോവിഡ് ബാധിച്ച ആരോഗ്യപ്രവര്‍ത്തകരുടെ എണ്ണം 24 ആയി.
തൃശൂരില്‍ ഇന്ന് ഏഴ് പേര്‍ക്കാണ് കോവിഡ് സ്ഥിരീകരിച്ചത്. ജൂണ്‍ 10ന് ചെന്നൈയില്‍ നിന്നെത്തിയ പെരിഞ്ഞനം സ്വദേശിയായ 31കാരന്‍, മേയ് 26ന് സൗദി അറേബ്യയില്‍ നിന്നുവന്ന അഞ്ഞൂര്‍ സ്വദേശിയായ 24കാരന്‍, ജൂണ്‍ 8ന് ചെന്നൈയില്‍ നിന്നെത്തിയ എസ്എന്‍ പുരം സ്വദേശിയായ അറുപതുകാരി എന്നിവരാണ് കോവിഡ് ബാധിച്ച മറ്റു മൂന്നു പേര്‍. 143 പേരാണ് ജില്ലയിലെ ആശുപത്രികളില്‍ ചികിത്സയില്‍ കഴിയുന്നത്.
