തിരുവനന്തപുരം: കാട്ടാക്കടയില് സഹപ്രവര്ത്തകരായ യുവാവിനേയും യുവതിയേയും തൂങ്ങി മരിച്ച നിലയില് കണ്ടെത്തി. ഊരുട്ടമ്പലം സ്വദേശികളായ രഞ്ജു (34), കുഞ്ഞുമോള് (36) എന്നിവരാണ് മരിച്ചത്. ഇരുവരും ഓട്ടോറിക്ഷ ഡ്രൈവര്മാരായിരുന്നു. ഇവര് ഒരുമിച്ചായിരുന്നു താമസിച്ചിരുന്നത്. കാട്ടാകടയില് ഇവര് താമസിക്കുന്ന വാടക വീടിന്റെ അടുക്കളയിലാണ് ഇരുവരെയും തൂങ്ങിയ നിലയില് കണ്ടെത്തിയത്.
രഞ്ജുവിന്റെ സുഹൃത്ത് ഇയാളെ കാണാത്തതിനെ തുടര്ന്ന് വീട്ടില് അന്വേഷിച്ചെത്തുകയും ഫോണില് ബന്ധപ്പെടാന് ശ്രമിക്കുകയുമായിരുന്നു. എന്നാല് ഫോണ് എടുക്കാത്തതിനാല് വീട്ടില് നടത്തിയ തിരച്ചിലിലാണ് അടുക്കളയില് ഇരുവരും തൂങ്ങിയതായി കണ്ടത്. മരണത്തിന് പിന്നിലുള്ള കാരണം വ്യക്തമല്ല.
