തിരുവനന്തപുരം : കെ.എസ്.ആര്.ടി.സി സമരത്തെ ന്യായീകരിച്ച സിപിഐ സംസ്ഥാന സെക്രട്ടറി കാനം രാജേന്ദ്രനെതിരേ വിമര്ശനവുമായി പ്രതിപക്ഷ നേതാവ് രമേശ് ചെന്നിത്തല. ബസുകള് റോഡില് അല്ലാതെ ആകാശത്ത് നിരത്താന് പറ്റുമോയെന്ന കാനത്തിന്റെ പ്രസ്താവന ജനങ്ങളോടുള്ള അവഹേളനമാണെന്ന് ചെന്നിത്തല പറഞ്ഞു.
ഭരണത്തിന്റെ പൂര്ണ്ണ സ്തംഭനമാണ് തലസ്ഥാനത്ത് ബുധനാഴ്ച കണ്ടത്. ആറു മണിക്കൂര് ജില്ലാ കളക്ടറും പോലീസ് അധികാരികളും എവിടെയായിരുന്നുവെന്നും ചെന്നിത്തല ചോദിച്ചു. സമരത്തെ രാഷ്ട്രീയവത്കരിക്കാന് നോക്കണ്ടെന്നും എല്ലാ യൂണിയനുകളും സമരത്തിനുണ്ടായിരുന്നില്ലെന്ന മന്ത്രി കടകംപള്ളിയുടെ വാദം തെറ്റാണെന്നും ചെന്നിത്തല പറഞ്ഞു. സി.ഐ.ടി.യു പ്രവര്ത്തകരും സമരത്തില് പങ്കെടുത്തിരുന്നു. ഫോര്ട്ട് സ്റ്റേഷന് ഉപരോധത്തിലാണ് സിഐടിയു പ്രവര്ത്തകര് എത്തിയത്. സമരത്തിന് നേതൃത്വം നല്കിയത് കെഎസ്ആര്ടിഇ ഭാരവാഹിയെന്നും ചെന്നിത്തല വ്യക്തമാക്കി.
