തിരുവനന്തപുരം: കേരളീയര്ക്ക് വിഷു ആശംസകള് നേര്ന്ന് പ്രതിപക്ഷ നേതാവ് രമേശ് ചെന്നിത്തല. വര്ഷാരംഭത്തില് നല്ല തുടക്കവും മാറ്റവും മലയാളികള് പ്രതീക്ഷിക്കുന്നതും പതിവാണ്. ഈ കാര്യം ഓര്മ്മിപ്പിച്ചാണ് ഇത്തവണത്തെ രമേശ് ചെന്നിത്തലയുടെ വിഷു ആശംസ.
മാറ്റത്തിന്റെ നാന്ദി കുറിക്കുന്ന ഈ വിഷുക്കാലം ഐശ്വര്യ കേരളത്തിന്റെ വരവറിയിക്കലാണെന്നാണ് ചെന്നിത്തല ആശംസിക്കുന്നത്. ഭരണം മാറി യു ഡി എഫ് എത്തും എന്ന ആത്മവിശ്വാസവും ചെന്നിത്തല പങ്കിടുന്നുണ്ട്.
മാറ്റത്തിന്റെ നാന്ദി കുറിക്കുന്ന ഈ വിഷുക്കാലം ഐശ്വര്യ കേരളത്തിന്റെ വരവറിയിക്കലാണ്. നന്മയും സമൃദ്ധിയും സമാധാനവും നിറഞ്ഞ ജീവിതം കൈനീട്ടമായി മലയാളിക്ക് ലഭിക്കും. എല്ലാവര്ക്കും സ്നേഹം നിറഞ്ഞ വിഷു ആശംസകള്.