തൃശ്ശൂര്: തൃശ്ശൂരിലെ സദാചാര കൊലപാതക കേസില് ഉത്തരാഖണ്ഡില് നിന്ന് പ്രതികള് പിടിയില്. കേസില് കൊലയാളികളായ നാലു പേരാണ് പോലീസ് കസ്റ്റഡിയിലായത്. ചേര്പ്പ് സ്വദേശികളായ അരുണ്, അമീര്, നിരഞ്ജന്, സുഹൈല് എന്നിവരാണ് പിടിയിലായത്. ഇവരെ നാല് പേരെയും നാളെ വൈകീട്ടോടെ തൃശൂരില് എത്തിക്കും. ഫെബ്രുവരി പതിനെട്ടിന് രാത്രിയിലാണ് വനിതാ സുഹൃത്തിനെ കാണാനെത്തിയ സഹറിനെ എട്ടംഗ സംഘം മര്ദ്ദിച്ചത്. ആന്തരിക അവയവങ്ങള്ക്ക് അടക്കം പരിക്കുപറ്റിയ സഹര് ചികിത്സയിലിരിക്കെ മാര്ച്ച് ഏഴിന് മരിച്ചത്.
ഇരിങ്ങാലക്കുട ഡിവൈഎസ്പി യുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. സഹറിനെ മര്ദ്ദിച്ച് കൊലപ്പെടുത്തിയ പ്രതികളില് ഒരാളായ ഗിഞ്ചുവിനെ നാട്ടില് നിന്ന് വാഹനത്തില് കൊച്ചിയില് എത്തിച്ചതിന് ചേര്പ്പ് സ്വദേശി നവീനെ പ്രത്യേക അന്വേഷണ സംഘം നേരത്തെ പിടികൂടിയിരുന്നു. സംഭവം നടന്ന് അഞ്ചു ദിവസങ്ങള്ക്ക് ശേഷമാണ് ഗിഞ്ചുവിനെ ഇയാള് കൊച്ചിയിലാക്കിയത്. ഗിഞ്ചു എങ്ങോട്ടാണ് പോയതെന്ന് അറിയില്ലെന്നാണ് നവീന് പോലീസിന് നല്കിയ മൊഴി. ഗിഞ്ചുവിന്റെ അടുത്ത സുഹൃത്താണ് ഇയാള്. ചേര്പ്പ് സ്വദേശികളായ ഫൈസല്, സുഹൈല് എന്നിവരെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു.
