ഛത്തീസ്ഗഡ് : ഛത്തീസ്ഗഡില് കസ്റ്റഡിയിലുള്ള ജവാനെ വിട്ടയക്കാന് തയാറെന്ന് മാവോയിസ്റ്റുകള്. സര്ക്കാരുമായി ചര്ച്ചയ്ക്ക് തയാറാണെന്നും മധ്യസ്ഥരെ സര്ക്കാരിന് തീരുമാനിക്കാമെന്നും മാവോയിസ്റ്റുകള് അറിയിച്ചു. മാവോയിസ്റ്റുകളുമായുണ്ടായ ഏറ്റുമുട്ടലില് 22 ജവാന്മാരാണ് വീരമൃത്യു വരിച്ചത്.
മാവോയിസ്റ്റ് വിരുദ്ധ ഓപ്പറേഷന് നിര്ത്തിവെയ്ക്കണമെന്നാണ് മാവോയിസ്റ്റുകളുടെ പ്രധാന ആവശ്യം. കഴിഞ്ഞദിവസം കേന്ദ്ര ആഭ്യന്തര മന്ത്രിയുടെ നേതൃത്വത്തില് ചേര്ന്ന ഉന്നതതല യോഗത്തില് മാവോയിസ്റ്റ് വിരുദ്ധ ഓപ്പറേഷന് ശക്തമാക്കാന് തീരുമാനിച്ചിരുന്നു. ഇതിന്റെ അടിസ്ഥാനത്തില് സേനാ വിന്യാസം വര്ധിപ്പിച്ചിരുന്നു. പരിശോധനകളും ശക്തമാക്കി.
