തിരുവനന്തപുരം : അടുത്തമാസം നാലിന് കാലാവധി തീരുന്ന റാങ്ക് പട്ടികകളുടെ കാലാവധി നീട്ടില്ലെന്ന് മുഖ്യമന്ത്രി പിണറായി വിജയന്‍ നിയമസഭയെ അറിയിച്ചു. നാനൂറ്റി തൊണ്ണൂറ്റി മൂന്ന് പട്ടികകളുടെ കാലാവധിയാണ് ഓഗസ്റ്റ് നാലിന് അവസാനിക്കുന്നത്.
സമരം ചെയ്ത ഉദ്യോഗാര്‍ത്ഥികള്‍ക്ക് നല്‍കിയ വാഗ്ദാനങ്ങള്‍ സര്‍ക്കാര്‍ പാലിച്ചില്ലെന്ന് പ്രതിപക്ഷ നേതാവ് വി ഡി സതീശന്‍ പറഞ്ഞു. ഉദ്യോഗാര്‍ത്ഥികളെ നോക്കി സര്‍ക്കാര്‍ കൊഞ്ഞനം കുത്തുകയാണെന്നും വി ഡി സതീശന്‍ പറഞ്ഞു. റാങ്ക് പട്ടികകളുടെ കാലാവധി നീട്ടണമെന്ന് ആവശ്യപ്പെട്ട് വനിത സിവില്‍ പോലീസ് റാങ്ക് പട്ടികയിലുള്‍പ്പെട്ട ഉദ്യോഗാര്‍ഥികള്‍ സെക്രട്ടറിയറ്റിന് മുന്നില്‍ സമരം നടത്തുകയാണ്.
