തിരുവനന്തപുരം : സര്ക്കാര് അയച്ച ഓര്ഡിനന്സുകളുടെ കാലാവധി അവസാനിക്കാനിരിക്കെ ഗവര്ണര് ആരിഫ് മുഹമ്മദ് ഖാനെ അനുനയിപ്പിക്കാനുള്ള ശ്രമവുമായി സംസ്ഥാന സര്ക്കാര്. ഇതിന്റെ ഭാഗമായി ചീഫ് സ്രെകട്ടറി ഗവര്ണറെ നേരിട്ട് കണ്ട് ഓര്ഡിനസുകളില് ഒപ്പിടണമെന്ന് ആവശ്യപ്പെട്ടു. എന്നാല് ഇതുവരെ ഇക്കാര്യത്തില് ഗവര്ണര് നിലപാട് വ്യക്തമാക്കിയിട്ടില്ല. കാലാവധി പൂര്ത്തിയാകുന്ന 11 ഓര്ഡിനന്സുകളിലാണ് ഗവര്ണര് ഒപ്പിടാനുള്ളത്. ലോകായുക്ത നിയമ ഭേദഗതി അടക്കം 11 ഓര്ഡിനന്സുകളുടെ കാലവധി നാളെ തീരും.
ലോകായുക്ത നിയമ ഭേദഗതിയില് അനുമതി നേടലാണ് സര്ക്കാരിനു പ്രധാനം. ഓര്ഡിന്സുകളില് ഗവര്ണര് ഒപ്പിട്ടില്ലെങ്കില് പഴയ ലോകായുക്ത നിയമം പ്രാബല്യത്തില് വരും. ദുരിതാശ്വാസ ഫണ്ട് വകമാറ്റിയതില് മുഖ്യമന്ത്രിക്കെതിരെയുള്ള കേസ് കൂടുതല് നിര്ണ്ണായകമാകും. ഓര്ഡിനന്സിന് പകരമുള്ള ബില് നിയമസഭ ഇത് വരെ പാസ്സാക്കാത്ത സാഹചര്യത്തിലാണ് വീണ്ടും ഓര്ഡിനന്സ് പുതുക്കിയിറക്കിയത്. ഇതുമായി ബന്ധപ്പെട്ട് ഇന്ന് ഗവര്ണര് മാധ്യമങ്ങളോട് പരസ്യ പ്രതികരണം നടത്താനും സാധ്യതയുണ്ട്.
