തിരുവനന്തപുരം : സംസ്ഥാനത്ത് ഒമ്പത് ജില്ലകളില് ഇന്ന് യെല്ലോ അലേർട്ട്. കോട്ടയം, ഇടുക്കി, തൃശൂർ, പാലക്കാട്, മലപ്പുറം ,കോഴിക്കോട്, വയനാട്, കണ്ണൂർ, കാസര്ഗോഡ് ജില്ലകളിലാണ് യെല്ലോ അലേർട്ട് പ്രഖ്യാപിച്ചത്. കൂടാതെ വടക്ക് പടിഞ്ഞാറൻ ബംഗാൾ ഉൾകടലിൽ ശക്തികൂടിയ ന്യൂനമർദ്ദം രൂപപ്പെട്ടിട്ടുണ്ട്. ഇത് തീവ്ര ന്യൂനമർദ്ദമാകാൻ സാധ്യതയാണുള്ളത്.
ഇത് വരുന്ന മണിക്കൂറുകളില് പടിഞ്ഞാറു – വടക്കു പടിഞ്ഞാറു ദിശയില് ഒഡിഷ – മേഖലയിലൂടെ സഞ്ചരിച്ചു വീണ്ടും ശക്തി പ്രാപിച്ചു തീവ്ര ന്യൂനമര്ദ്ദമാകാന് സാധ്യതയുണ്ട്. തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ ന്യുന മര്ദ്ദ പാത്തി രൂപപ്പെട്ടിരിക്കുന്നു. മധ്യ കിഴക്കന് അറബിക്കടലില്ചക്രവാത ചുഴി നിലനില്ക്കുന്നുമുണ്ട്. ഇതിന്റെ സ്വാധീനത്താല് കേരളത്തില് 11 വരെ ഒറ്റപ്പെട്ട ശക്തമായ മഴക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്.
