ആലുവ : നാണയം വിഴുങ്ങി കുട്ടി മരിച്ച സംഭവം ഒരു മാസം പിന്നിടുമ്പോള് നിലപാട് കടുപ്പിച്ച് കുടുംബം. മകന്റെ മരണകാരണം വ്യക്തമാകാതെ സമരത്തില് നിന്ന് പിന്മാറില്ലെന്ന നിലപാടിലാണ് മരിച്ച മൂന്ന് വയസുകാരന്റെ അമ്മ.
ആലുവ ജില്ലാ ആശുപത്രിക്ക് മുന്നില് അമ്മ നടത്തുന്ന അനിശ്ചിതകാല സമരം അഞ്ച് ദിവസം പിന്നിട്ടു. മൂന്ന് വയസുകാരന് പൃഥ്വിരാജ് മരിച്ചിട്ട് ഇന്നേക്ക് ഒരു മാസം തിരയുകയാണ്. മരണകാരണം ഇപ്പോഴും അവ്യക്തമാണ്. നിലവിലെ അന്വേഷണം ചിലരെ സംരക്ഷിക്കാനാണെന്ന് കുട്ടിയുടെ ബന്ധുക്കള് ആരോപിക്കുന്നു.
ശ്വാസംമുട്ടിയതാണ് മരണകാരണമായെന്ന പോസ്റ്റുമോര്ട്ടം റിപ്പോര്ട്ട് വിശ്വസിക്കാന് കഴിയില്ല. യഥാര്ത്ഥ മരണകാരണം കണ്ടെത്തുന്നതില് സര്ക്കാരില് നിന്ന് ഉറപ്പ് കിട്ടും വരെ സമരം തുടരുമെന്ന് കുട്ടിയുടെ അമ്മ നന്ദിനി പറയുന്നത്. കേസില് പോലീസും ബാലാവകാശ കമ്മീഷനും ഡോക്ടര്മാര്ക്ക് വീഴ്ച സംഭവിച്ചിട്ടുണ്ടോ എന്നതില് വകുപ്പുതല അന്വേഷണവുമാണ് നടക്കുന്നത്.
