ഇടുക്കി : പെട്ടിമുടിയില് ഒരു മുറിവുണങ്ങും മുന്പ് മനുഷ്യത്വം മരവിച്ച ചില സംഘങ്ങള് മോഷണശ്രമങ്ങള് നടത്തുന്നതായി പരാതി. ദുരന്തത്തില് തകര്ന്ന വാഹനങ്ങളുടേയും മറ്റും വിലപിടുപ്പുള്ള ഭാഗങ്ങളാണ് മോഷണ സംഘങ്ങള് കടത്തികൊണ്ട് പോകുന്നത്.
ടയറുകള്, വിലകൂടിയ മറ്റ് യന്ത്രഭാഗങ്ങള് എന്നിവയാണ് മോഷ്ടിക്കപ്പെടുന്നത് എന്ന് കണ്ടെത്തി.
സംഭവം ശ്രദ്ധയില് പെട്ടതോടെ കമ്പനി പെട്ടിമുടിയില് രാത്രികാല കാവല് ഏര്പ്പെടുത്തി. അലമാരകള് ഉള്പ്പെടെയുള്ള് വീട്ടുപകരണങ്ങള് ഇവിടെ നിന്നും മോഷ്ടാക്കള് എടുത്തിട്ടുണ്ട്. ദുരന്തത്തില് എല്ലാം നശിച്ചവരുടെ വസ്തുവകകള് പോലും മോഷ്ടിക്കുന്ന ദു:ഖകരമായ കാഴ്ചയാണ് ഇവിടെ.
ദുരന്ത ഭൂമിയില് ബാക്കിയായ ഉപകരണങ്ങളും മറ്റും സംരക്ഷിക്കുന്നതിന് നടപടി സ്വീകരിക്കണമെന്ന ആവശ്യത്തെ തുടര്ന്ന് കമ്പനി പ്രദേശത്ത് രാത്രികാല കാവലും ഏര്പ്പെടുത്തിയിരിക്കുകയാണ്.