തിരുവനന്തപുരം: സംസാര ശേഷിയില്ലാത്ത അമ്മയെ കത്തി കാട്ടി പേടിപ്പിച്ച് പട്ടാപ്പകല് ഉറങ്ങി കിടക്കുകയായിരുന്ന ഒരു വയസ്സുകാരനെ തട്ടിക്കൊണ്ട് പോകാന് ശ്രമം. തമലത്ത് ഇന്നലെ വൈകിട്ട് നാല് മണിക്കാണ് സംഭവം. അമ്മയും കുഞ്ഞും മാത്രമാണ് വീട്ടിലുണ്ടായിരുന്നത്. കുളിമുറിയില് നിന്ന് ഇറങ്ങി വന്ന അമ്മ കണ്ടത് രണ്ട് പേര് ചേര്ന്ന് കുട്ടിയെ തട്ടിക്കൊണ്ട് പോകാന് ശ്രമിക്കുന്നതാണ്. ഉടന് തന്നെ കുട്ടിയെ അമ്മ പിടിച്ച് വലിച്ചു. ഈ സമയം കുട്ടിയെ പിടിച്ചിരുന്ന പ്രതി അമ്മയെ കത്തി കാട്ടി ഭീഷണിപ്പെടുത്തി. സംഭവം വഷളായതിനെ തുടർന്ന് പ്രതികള് ഓടി രക്ഷപ്പെട്ടു.
പിടി വിടാതായതോടെ മതിലിന്റെ മറുവശത്ത് ഉണ്ടായിരുന്ന മറ്റൊരു പ്രതി മുളകുപ്പൊടി എറിഞ്ഞു രക്ഷപ്പെട്ടുവെന്ന് അമ്മ പോലീസിന് മൊഴി നല്കി. സംഭവത്തില് കേസെടുത്ത് കരമന പോലീസ് അന്വേഷണം ആരംഭിച്ചു. കഴിഞ്ഞ ദിവസം കൊല്ലത്ത് കരുനാഗപ്പള്ളിയില് നാലാം ക്ലാസുകാരിയെ തട്ടിക്കൊണ്ട് പോകാന് ശ്രമം നടന്നിരുന്നു.