കൊച്ചി : മക്കളെ ഉപേക്ഷിച്ച് ഫെയ്സ് ബുക്ക് കാമുകന്റെകൂടെ യുവതി പോയി. പരാതിയുമായി മക്കള് ബാലാവകാശ കമ്മീഷനെ സമീപിച്ചു. പതിമൂന്നും ഏഴും വയസ്സുള്ള സ്കൂള് വിദ്യാര്ത്ഥികളായ മക്കളാണ് തങ്ങളുടെ അമ്മയെ കണ്ടെത്തി നിമയത്തിന്റെ മുന്നില് കൊണ്ടുവന്ന് തക്ക ശിക്ഷ നല്കണമെന്ന ആവശ്യവുമായി ബാലാവകാശക്കമ്മീഷനെ സമീപിച്ചിരിക്കുന്നത്. നെയ്യാറ്റിന്കര പോലീസിലും കുട്ടികള് പരാതി നല്കിയിട്ടുണ്ട്.
നെയ്യാറ്റിന്കര പെരുമ്പഴുതൂര് സ്വദേശിനി സന്ധ്യ (37) ആണ് മക്കളെ ഉപേക്ഷിച്ച് വിദേശത്ത് ഭാര്യയും മകനും ഉള്ള നെടുമങ്ങാട് സ്വദേശിയായ ഉമേഷിന്റെ കൂടെ പോയത്. രണ്ടു മാസം മുമ്പ് ഫെയ്സ് ബുക്കിലൂടെ പരിചയപ്പെട്ട ഇയാളുമായി യുവതി പ്രണയത്തിലായിരുന്നു. വിദേശത്ത് ജോലി ചെയ്തിരുന്ന ഇയാള്ക്ക് ഫിലിപ്പിന്കാരിയായ ഭാര്യയും അതിലൊരു കുഞ്ഞും ഉണ്ടെന്ന് പറയുന്നു. സന്ധ്യ ഇയാള്ക്കൊപ്പം പോയെന്നാണ് കരുതുന്നത്. കരമയിലുള്ള യുവാവുമായി 15 വര്ഷങ്ങള്ക്കു മുമ്പായിരുന്നു യുവതിയുടെ വിവാഹം.